Áttatíu og sjö mál voru bókuð í kerfum lögreglunnar á höfuðborgarsvæðinu frá klukkan 17:00 í gær til 05:00 í morgun, samkvæmt dagbók lögreglunnar en fjórir gista fagnageymslur þegar þetta er ritað. Hér má sjá dæmi um verkefni lögreglunnar.
Lögreglan sem annast verkefni í Austur- og Vesturbæ Reykjavíkur, miðbæinn og Seltjarnarnes, var kölluð til þar sem aðili harðneitaði að borga fyrir leigubíl og hafði ollið skemmdum á bifreiðinni. Var málið leyst á vettvangi.
Sama lögregla var einnig kölluð til vegna símastuldar á sjúkrastofnun. Þá var einnig tilkynnt um innbrot í verslun í Vesturbæ Reykjavíkur en málið er í rannsókn.
Lögreglan sem sinnir útköllum í Hafnarfirði, Garðabæ og Álftanesi, stöðvaði ökumann vegna gruns um akstur undir áhrifum fíkniefna. Reyndist hann einnig sviptur ökuréttinum en var laus að sýnatöku lokinni.
Sama lögreglan var kölluð til vegna manns sem var pöddufullur að reyna að opna bifreiðar sem voru í akstri. Var hann hantekinn vegna ástandsins og vistaður þangað til að hann getur verið meðal almennings.
Kópavogs- og Breiðholtslögreglan stöðvaði ökumann sem grunaður var um að keyra fullur. Reyndist hann einnig sviptur ökuréttindum. Var hann laust að sýnatöku lokinni.
Lögreglan sem starfar í Grafarvogi, Mosfellsbæ og í Árbænum sektaði mann fyrir of hraðan akstur en hann ók á um 142 km/klst þar sem hámarkshraði er 80 km/klst,
