Ragna Ragnars, þýðandiog fyrrverandi sendiherrafrú, lést á hjúkrunarheimilinu Mörk í Reykjavík að morgni 2. júní síðastliðins.
Morgunbalið greindi frá andláti hennar.
Ragna fæddist á Akureyri 23. mars 1935 og lauk stúdentsprófi frá Menntaskólanum á Akureyri árið 1955. Hún stundaði nám í frönsku og bókmenntum í Frakklandi og lauk síðar BA-prófi í frönsku og ensku frá Háskóla Íslands. Þá nam hún við Sorbonne-háskóla í París og varð síðar löggiltur dómtúlkur og skjalaþýðandi.
Á starfsferli sínum sinnti Ragna fjölbreyttum verkefnum á sviði þýðinga, kennslu og ferðamála. Hún starfaði meðal annars sem þýðandi hjá Ríkissjónvarpinu um árabil og naut þar mikillar virðingar fyrir störf sín. Einnig gegndi hún mikilvægu hlutverki við landkynningu erlendis sem eiginkona Ólafs Egilssonar sendiherra í Lundúnum, Moskvu, Kaupmannahöfn og Beijing.
Ragna var jafnframt virk í félagsstörfum og var valin fegurðardrottning Íslands árið 1954. Hún lætur eftir sig eiginmann, tvö börn og þrjú barnabörn.
