Aðalmeðferð í máli gegn karlmanni, sem er ákærður fyrir kynferðisbrot gegn ungu barni í starfi sínu sem leiðbeinandi á leikskólanum Múlaborg, fer fram í dag við Héraðsdóm Reykjavíkur.

Samkvæmt ákæru er hann sagður hafa brotið tvisvar gegn sömu stúlkunni með því að hafa önnur kynferðismök en samræði við hana. Þar er hann talinn hafa misnotað verulega yfirburðastöðu sína gagnvart stúlkunni og brugðist trausti hennar sem starfsmaður leikskólans. Í síðara tilvikinu er hann einnig sagður hafa nýtt sér aðstæður þar sem stúlkan gat ekki veitt mótspyrnu vegna svefndrunga.

Hann var rannskaður fyrir fleiri brot og ekki er útilokað að hann verði ákærður fyrir þau.