Reykvísk kona hefur verið dæmd fyrir að ráðast gegn lögreglumanni en mál hennar var tekið fyrir í Héraðsdómi Reykjavíkur.

Hún var fyrir brot gegn valdstjórninni með því að hafa, að kvöldi 23. mars 2024 í aftursæti lögreglubifreiðar sem var ekið um Hverfisgötu í Reykjavík, ráðist með ofbeldi á og hrækt í andlit lögreglumanns, sem var við skyldustörf, með þeim afleiðingum að hráki fór m.a. í munn og hægra auga hans.

Hún játaði brot sitt en samkvæmt dómnum á konan nokkurn sakaferil að baki, sem hafði þó ekki þýðingu við úrlausn á þessu máli.

Konan var dæmd í 30 daga fangelsi en dómurinn er skilorðsbundinn til tveggja ára.