Í dagbók lögreglu frá því í dag er greint frá því að lögreglan hafi svarað útkalli þar sem ágreiningur kom upp hjá fjölskyldu í miðbænum.

Fólk var handtekið fyrir húsbrot í miðbænum og voru viðkomandi vistaðir í fangaklefa. Þá greindi lögreglan frá innbroti og þjófnaði í Kópavogi og þá reyndu þrjótar að brjótast inn í fyrirtæki í Hafnarfirði en tókst ekki ætlunarverk sitt.

Einstaklingur hafði samband við lögreglu og sagði frá því að annar hafi reynt að stinga sig í Kópavogi. Sá var hins vegar farinn af svæðinu þegar lögreglan mætti á svæðið og er málið í rannsókn hjá lögreglu.

Þá fékk lögreglan tilkynningu um rúðubrot í skóla í Grafarvogi og umferðaróhapp í Árbænum.