Robert Gomer Grochola hefur verið dæmdur fyrir stórfellt fíkniefnalagabrot í Héraðsdómi Reykjavíkur.
Hann var ákærður fyrir að hafa að hafa miðvikudaginn 12. nóvember 2025, staðið að innflutningi á samtals 52.830 g af hassi, ætluðu til söludreifingar í ágóðaskyni en fíkniefnin flutti ákærði frá Spáni til Danmerkur og þaðan með farþegaferjunni Norrænu til Seyðisfjarðar í bifreið af gerðinni Peugeot en fíkniefnin voru falin í sílsum bifreiðarinnar og í leynihólfi sem var á milli vélar- og farþegarýmis bifreiðarinnar. Eftir komu til landsins hélt ákærði akandi á bifreiðinni til Akureyrar þar sem hann var handtekinn fimmtudaginn 13. nóvember 2025 en lögregla fann og lagði hald á umrædd fíkniefni við leit í bifreiðinni þann sama dag og miðvikudaginn 19. nóvember 2025.
Hann játaði brot sitt en hann hefur ekki áður gerst sekur um refsivert athæfi.
Hann var dæmdur í 20 mánaða fangelsi en 17 mánuðir eru skilorðsbundnir til tveggja ára. Þá var Peugeot-bifreið hans og iPhone gerð upptæk. Hann þarf að greiða lögmanni sínum 1.377.600 krónur, 53.016 krónur í aksturskostnað hans og 799.505 krónur í annan sakarkostnað
