Orku­veita Reykja­vík­ur skilaði 4,5 millj­arða króna hagnaði á fyrsta árs­fjórðungi árs­ins 2025 - sam­kvæmt nýbirt­um sam­stæðureikn­ingi.

Er þetta veru­leg hækk­un frá sama tíma­bili í fyrra er hagnaður­inn nam 2,9 millj­örðum króna.

Þá er komið á daginn að rekstr­ar­tekj­ur OR juk­ust um 6 prósent á milli ára; námu alls 18,8 millj­örðum króna. Einnig lækkuðu rekstr­ar­gjöld um 7 prósent og dró úr kostnaði við orku­kaup og flutn­ing sem fór úr 2,1 millj­arði niður í 1,5 millj­arð króna.

Rekstr­ar­hagnaður tíma­bils­ins var um 12,5 millj­arðar og rekstr­ar­hagnaður eft­ir af­skrift­ir (EBIT) um það bil 8,2 millj­arðar.

Áfram voru þó fjár­muna­gjöld há; sam­tals um 3 millj­arðar, en lækkuðu þó frá sama tíma í fyrra. Veltu­fé frá rekstri nam tæpum 10 millj­örðum króna, sem er 1,4 millj­örðum meira en í fyrra. Hand­bært fé OR í lok mars var 22,3 millj­arðar.

Vert er að geta þess að dótt­ur­fé­lagið Orka nátt­úr­unn­ar fékk 450 millj­óna end­ur­greiðslu frá Landsneti vegna leiðrétt­ing­ar á gjald­skrá.

Fjár­fest­ing­ar héld­ust svipaðar milli ára og námu 6,4 millj­örðum króna, einkum hjá Veit­um í tengsl­um við efl­ingu hita­veitna. Sam­stæðan sam­an­stend­ur af OR móður­fé­lag­inu, Veit­um, Orku nátt­úr­unn­ar, Ljós­leiðar­an­um og Car­bfix. Eig­in­fjár­hlut­fall sam­stæðunn­ar var 51,8% í lok tíma­bils­ins.

Segir Sæv­ar Freyr Þrá­ins­son, for­stjóri OR, niður­stöðuna sýna styrk fyr­ir­tæk­is­ins:

„Af­kom­an er góð og það er já­kvætt að sjá vaxta­gjöld­in loks­ins lækka.“