Przemyslaw Jacek Kosiorowski hefur verið dæmdur í fangelsi af Héraðsdómi Reykjavíkur en dómurinn var nýlega birtur.

Hann var ákærður fyrir brot gegn valdstjórninni, með því að hafa að kvöldi laugardagsins 20. júlí 2024, í lögreglubifreið, hrækt á beran hægri framhandlegg lögreglumanns og hótað honum lífláti en lögreglumaðurinn var þar við skyldustörf.

Kosiorowski játaði brot sitt en hann hefur ekki áður gerst sekur um refsivert athæfi.

Hann var dæmdur í 45 daga skilorðsbundið fangelsi en dómurinn er skilorðsbundinn til tveggja ára. Þá þarf hann að greiða lögmanni sínum 247.380 krónur að meðtöldum virðisaukaskatti.