Hin 65 ára Dirty Dancing leikkona, Jennifer Grey spókaði sig í bíkiníi á ströndinni.

Dirty Dancing var einn mesti óvænti kvikmyndasmellur níunda áratugarins og gerðu aðalleikara myndarinnar, Patrick Swayze og Jennifer Grey, heimsþekkta á einni nóttu. Á meðan ferill Swayze blómstraði áfram dró Grey sig hins vegar í hlé frá sviðsljósinu. Þrátt fyrir það er myndin enn í dag ein vinsælasta og eftirminnilegasta kvikmynd Hollywood frá níunda áratugnum.

Slysið sem breytti öllu

Grey hvarf að mestu úr kastljósinu á árunum eftir útkomu myndarinnar og skýrði ekki frá ástæðum þess fyrr en mun síðar. Meira en þrjátíu árum eftir frumsýningu Dirty Dancing greindi hún frá hörmulegu bílslysi sem breytti lífi hennar til frambúðar. Hún tók sér þann tíma sem hún þurfti til að ná bata og finna aftur ástríðuna fyrir leiklistinni, áður en hún sneri aftur til starfa.

Eftir langt hlé hóf Grey feril sinn á ný og vakti mikla athygli þegar hún sigraði í sjónvarpsþættinum Dancing With the Stars. Fyrir marga aðdáendur verður hún þó alltaf „Baby“ – unga konan sem fann styrk sinn eitt sumar á dvalarstað í Catskill-fjöllunum. Nærri fjórum áratugum síðar fylgir hlutverkið henni enn, á jákvæðan hátt.

Endurkoman

Í janúar 2026 staðfesti Grey að hún muni snúa aftur í Dirty Dancing 2, framhald sem lengi hefur verið orðrómur um og beðið eftir.

„Hlutverk Baby hefur haft mjög djúpan og merkingarbæran stað í hjarta mínu, rétt eins og hjá svo mörgum aðdáendum í gegnum árin,“ sagði hún í yfirlýsingu og bætti við: „Ég hef lengi velt því fyrir mér hvar Baby væri stödd mörgum árum síðar og hvernig líf hennar hefði þróast … og ég er spennt að segja að biðin virðist senn vera á enda.“

Baby í bikiní

Þótt Grey verði að eilífu tengd Kellerman’s og þessu ógleymanlega sumri í Dirty Dancing virðist hún í dag finna sig fullkomlega til síns heima við sjóinn. Hin 65 ára leikkona deildi nýverið myndum frá langþráðri vinkonuferð með bestu vinkonu sinni, leikkonunni Tracy Pollan. Myndirnar, sem hún birti á Instagram, sýna afslappaða gleði sem aðeins áratugalöng vinátta getur skapað, eins og það er orðað í erlendum slúðurmiðlum.

Myndaröðin hófst á Grey á kyrrlátum strandspotta í stílhreinu svörtu bikiní, með krullað hár í vindinum og stór sólgleraugu. Á annarri mynd stendur hún í sjónum í svörtum sundbol, þar sem öldurnar leika mjúklega um fætur hennar. Þá er ein myndin af þeim vinkonum saman.

Grey skrifaði við færsluna:

„Löngu tímabær vinkonuferð @tracy.pollan 🤍 flissuðum eins og við værum aftur í menntaskóla.“

Pollan tók í sama streng og skrifaði á sinni síðu:

„Besti tíminn með bestu vinkonu minni @jennifergrey.“

Þær hafa verið vinkonur í meira en 50 ár og kynntust fyrst sem stúlkur í The Dalton School í New York. Vinátta sem hófst í bernsku hefur fylgt þeim í gegnum hjónabönd, starfsferla, móðurhlutverkið og ótal tímamót.