Karlmaður sem lést á heimili sínu í Kópavogi 26. júlí síðastliðinn var Hilmar Oddur Gunnarsson, 72 ára eiginmaður Lilju Rafneyjar Magnúsdóttur, þingmanns Flokks fólksins. Eldri sonur hjónanna, sem er á fimmtugsaldri, er grunaður um að hafa orðið föður sínum að bana.

Vísir greinir frá.

Sonurinn var handtekinn 28. júlí og úrskurðaður í vikulangt gæsluvarðhald vegna rannsóknarhagsmuna. Að því loknu var hann úrskurðaður í fjögurra vikna gæsluvarðhald á grundvelli almannahagsmuna. Samkvæmt Vísi hefur sonur glímt lengi við andleg veikindi.

Lögreglan telur sig hafa skýra mynd af atvikum málsins. Ekki sé tímabært að upplýsa hvort grunur sé um að vopni hafi verið beitt. Samkvæmt heimildum fannst ekkert vopn á vettvangi og rannsókn málsins stendur enn yfir.