Hrollvekjandi atvik átti sér stað við strendur New York borgar, þar sem bátur með 22 manns um borð sprakk. Við sprenginguna kviknaði í bátum og neyddust allir farþegar til að stökkva í vatnið en TMZ greindi frá málinu.

Sprengingin átti sér stað rétt eftir klukkan 20:30 á laugardagskvöldið og kallaði á stórfellda aðgerð frá Landhelgisgæslunni, slökkviliði New York og lögreglunni í New York.

Samkvæmt slökkviliði New York voru þrír dregnir upp úr vatninu, þar af einn í lífshættu, en hinir farþegarnir náðu að synda að lítilli strönd við Bronx hverfi. Samkvæmt lögreglunni í New York var stýrimaður bátsins handtekinn og hefur verið ákærður fyrir ölvun við akstur og fyrir að hafa stofnað lífi annarra í hættu.

Allir 22 farþegarnir voru síðar fluttir á nálæg sjúkrahús og segja yfirvöld að búist sé við að allir jafni sig. Orsök sprengingarinnar er enn til rannsóknar.