Nokkur værð var yfir höfuðborgarsvæðinu í nótt og fá stærri mál komu inn á borð lögreglu. Þrír gistu fangageymslur þegar dagbók lögreglunnar var rituð.
Lögreglu barst tilkynning um einstakling í annarlegu ástandi í Reykjavík. Lögreglumenn höfðu afskipti af viðkomandi og óku honum heim.
Þá var tilkynnt um einstakling sem svaf ölvunarsvefni í Garðabæ. Eftir afskipti lögreglu hélt hann heim á leið.
Í Hafnarfirði barst lögreglu tilkynning um grunsamlegar mannaferðir. Þegar lögreglumenn komu á vettvang var hins vegar ekkert óvenjulegt að sjá.
Önnur tilkynning barst um einstakling í annarlegu ástandi í Hafnarfirði. Honum var ekið heim að loknum afskiptum lögreglu.
Auk þess sinntu lögreglumenn ýmsum umferðarmálum á höfuðborgarsvæðinu í gærkvöldi og nótt.
