Niðurstaða rannsóknar sem sænska ríkisstjórnin fól í hendur óháðum aðilum mælti í dag með því að banna alþjóðlegar ættleiðingar og vísaði til alvarlegra brota sem hafa átt sér stað áratugum saman.

Í einhverjum tilfellum er að ræða börn sem höfðu verið flutt til Svíþjóðar eftir að hafa verið sett á ættleiðingarlista af fólki sem ekki voru raunverulegir foreldrar þeirra eða eftir að hafa ranglega verið úrskurðuð látin að sögn Anna Singer, sem leiddi rannsóknina, á blaðamannafundi.

„Í sumum tilvikum hafa börnin verið gefin til ættleiðingar af foreldrum sem skildu ekki afleiðingar þess að samþykkja alþjóðlega ættleiðingu,“ sagði Singer þegar hún afhenti Camillu Waltersson Grönvall, félagsmálaráðherra Svíþjóðar, skýrsluna.

Hún bætti við að „staðfest hafi verið tilvik um barnasölu á hverjum áratug frá áttunda áratug síðustu aldar til 2000, einkum í tengslum við ættleiðingar í höndum einkarekinna ættleiðingafyrirtækja.“

Um það bil tíu tilvik um mansal hafi verið tilkynnt í gegnum árin, þar á meðal frá Srí Lanka og Kólumbíu á áttunda og níunda áratugnum, Póllandi á tíunda áratugnum og Kína á tíunda og fyrsta áratug 21. aldar.

Rannsóknin sýndi einnig að stjórnvöld höfðu vitað af þessum brotum „mjög snemma“.

Samkvæmt þarlendum yfirvöldum hafa um 60 þúsund manns í Svíþjóð verið ættleidd frá útlöndum. Flest börnin koma frá Suður-Kórea, Indland, Kólumbía, Kína og Srí Lanka.