Rúmlega 16 þúsund manns hafa þegar greitt atkvæði utan kjörfundar vegna þjóðaratkvæðagreiðslunnar sem fram fer 29. ágúst þar sem kosið er um hvort Íslandi eigi að fara í aðildarviðræður við ESB.

Að sögn Sigríðar Kristinsdóttur, sýslumanns á höfuðborgarsvæðinu, við Vísi hefur þátttakan verið meiri en gert var ráð fyrir.

Alls hafa 10.769 greitt atkvæði hjá sýslumönnum á höfuðborgarsvæðinu. Þegar atkvæði hjá sýslumönnum á landsbyggðinni, sendiráðum og ræðismönnum eru talin með hafa samtals 16.740 manns kosið utan kjörfundar.

Sigríður segir áhugann mikinn og reiknar með að þátttakan aukist enn næstu tvær vikur. Hún telur mögulegt að fleiri greiði atkvæði utan kjörfundar nú en í forsetakosningunum árið 2024, þegar um 28 þúsund kusu með þeim hætti.

Hægt er að kjósa í Hlíðarsmára 1. Þá var nýr utankjörfundarstaður opnaður í Kringlunni í dag og verður hann opinn alla virka daga frá klukkan 12 til 18.30.