Alls hljóta 17 verkefni styrk úr Örvari í annarri úthlutun sjóðsins árið 2026. Alls bárust 32 umsóknir og nemur heildarfjárhæð styrkjanna 18,92 milljónum króna.

Örvar styrkir verkefni og viðburði á málefnasviðum menningar-, nýsköpunar- og háskólaráðuneytisins. Hámarksstyrkur til hvers verkefnis nemur 1,5 milljónum króna.

Verkefnin sem hljóta styrk eru fjölbreytt og tengjast meðal annars nýsköpun, miðlun menningararfs, hönnun, sviðslistum og skapandi starfi barna og ungmenna.

Meðal þeirra verkefna sem hljóta hæstu styrkina eru Hönnunarþing 2026 á Húsavík, 40 ára afmælisdagskrá Bad Taste Reykjavík og Dans ársins 2027. Þá fá verkefni um sögu og menningu samfélags heyrnarlausra og fræðslu um markaðssetningu í menningarferðaþjónustu einnig hæstu styrkina úr sjóðnum að þessu sinni.

Einnig meðal þeirra sem fá styrk er Þorgrímur Þráinsson en hann er án efa einn af þekktustu rithöfundum landsins