Þrír nýir prestar voru vígðir til þjónustu innan þjóðkirkjunnar við hátíðlega athöfn í gær, sunnudaginn 23. ágúst.
Auður Pálsdóttir var vígð til starfa sem sjúkrahúsprestur á Landspítala. Vígsluvottar hennar voru sr. Gunnar Rúnar Matthíasson, deildarstjóri sálgæslu presta og djákna á Landspítalanum, og sr. Guðbjörg Jóhannesdóttir, prófastur í Reykjavíkurprófastsdæmi vestra.
Hilmir Kolbeins var vígður til þjónustu í Austfjarðaprestakalli í Austurlandsprófastsdæmi. Vígsluvottar hans voru sr. Ingimar Helgason, sóknarprestur í Kirkjubæjarklaustursprestakalli, og sr. Sigríður Rún Tryggvadóttir, prófastur í Austfjarðaprófastsdæmi.
Sólveig Franklínsdóttir var jafnframt vígð sem safnaðarráðinn æskulýðsprestur til Fossvogsprestakalls í Reykjavíkurprófastsdæmi vestra. Vígsluvottar hennar voru sr. Guðbjörg Jóhannesdóttir, prófastur í Reykjavíkurprófastsdæmi vestra, og sr. Þorvaldur Víðisson, sóknarprestur í Fossvogsprestakalli.
Sr. Sveinn Valgeirsson þjónaði við athöfnina. Matthías Harðarson dómorganisti lék á orgel og stýrði Dómkórnum.
Vígsluathöfnin fór fram klukkan 11 í gærmorgun og tóku prestarnir þrír þar með formlega við þeim þjónustuhlutverkum sem þeir höfðu verið kallaðir til.
