Donald Trump Bandaríkjaforseti gengur lengra í nýju hlaðvarpsviðtali en hann hefur gert áður í að þröngva í gegn áformum sínum um yfirtöku á Grænlandi.
„Við þurfum á Grænlandi að halda vegna alþjóðlegrar öryggis og varna. Við þurfum það. Við verðum að fá það,“ sagði Trump í viðtali við hlaðvarpsstjórnandann Vince Coglianese. „Mér þykir það leiðinlegt að orða það svona, en við munum verða að fá það.“
Þegar Trump var spurður hvort hann teldi Grænlendinga vilja ganga í Bandaríkin sagðist hann ekki vita það. „Við þurfum að sannfæra þá,“ sagði hann. „Og við verðum að eignast þetta land, því það er ekki hægt að verja stóran hluta jarðarinnar – ekki bara Bandaríkin – án þess.“
Ummæli Trumps leiddu til viðbragða frá danska forsætisráðherranum Mette Frederiksen, sem skrifaði á Facebook: „Við skulum ekki blekkja okkur – áhugi Trumps á Grænlandi hverfur ekki.“
„Þeir vita að Grænland er ekki til sölu. Þeir vita að Grænland vill ekki verða hluti af Bandaríkjunum,“ bætti hún við og sagði þau skilaboð hafa verið „skýr og afdráttarlaus“.
Ummæli Trumps komu í aðdraganda þess að varaforsetinn JD Vance á að heimsækja bandarísku herstöðina Pituffik á Grænlandi á föstudag ásamt eiginkonu sinni, Ushu.
Frederiksen og fráfarandi forsætisráðherra Grænlands, Múte B. Egede, hafðu áður gagnrýnt áform um víðari heimsókn bandarískrar sendinefndarinnar án boðs.
