Dagbók lögreglunnar er nokkuð einsleit þennan morgunin en ökumenn voru í eldlínunni frá klukkan 17:00 í gær til 05:00 í morgun, ef svo má að orði komast. Hér má sjá nokkur dæmi um verkefni lögreglunnar á höfuðborgarsvæðinu, á téðu tímabili.
Lögreglan sem starfar í Austur- og Vesturbæ Reykjavíkur, miðborginni og á Seltjarnarnesi, handtók ökumann vegna gruns um akstur undir áhrifum vímuefna. Einnig var hann grunaður um hraðakstur og í þokkabót ók hann bifreið sviptur ökuréttindum.
Sama lögregla var beðin að aðstoða vegna líkamsárásar en engar frekari upplýsingar um árásina fylgdi dagbókarfærslunni.
Lögreglan sem annast verkefni í Hafnarfirði, Garðabæ og á Álftanesi handtók ökumann vegna gruns um ölvunarakstur en sá hafði valdið umferðaslysi.
Sú lögreglan handtók einnig tvo ökumenn grunaða um akstur undir áhrifum vímuefna.
Kópavogs- og Breiðholtslögreglan handtók ökumann sem hafði valdið umferðaslysi en hann er grunaður um ölvunarakstur. Sama lögregla fékk einnig beiðni um aðstoð vegna innbrots og þjófnaðar.
Þá handtók lögreglan einnig tvo ökumenn vegna gruns um akstur undir áhrifum, annars vegna áfengis og hins vegna vímuefna.
Lögreglan sem annast útköll í Grafarvogi, Mosfellsbæ og í Árbænum handtók ökumann vegna gruns um akstur undir áhrifum áfengis og vímuefna.
Aukreitis barst þeirri lögreglu aðstoðarbeiðni vegna hnupls úr tveimur verslunum.
Að lokum óskaði leigubílstjóri aðstoðar vegna farþega sem hann var í vandræðum með.
