Karlmaður hefur verið boðaður til skýrslugjafar fyrir Héraðsdómi Reykjaness vegna rannsóknar á gjaldþrotamáli. Komi hann ekki fyrir dóminn að forfallalausu kann hann að verða handtekinn af lögreglu og færður fyrir dóm en þetta kemur fram í Lögbirtingablaðinu.

Málið er höfðað að beiðni skiptastjóra þrotabús einkahlutafélags sem tekið var til gjaldþrotaskipta með úrskurði Héraðsdóms Reykjaness 21. maí síðastliðinn.

Samkvæmt fyrirkallinu hefur maðurinn verið kvaddur til að mæta til skýrslugjafar í þágu gjaldþrotamálsins. Skýrslugjöfin fer fram á dómþingi Héraðsdóms Reykjaness.

Í fyrirkallinu kemur jafnframt fram að mæti maðurinn ekki til dómþings án lögmætra forfalla megi hann búast við því að lögregla handtaki hann og færi fyrir dóm. Þar er vísað til ákvæða laga um meðferð einkamála um skyldu vitna til að mæta fyrir dómi.