Þúsundir manna munu koma saman í dag í Washington og öðrum borgum víðs vegar um Bandaríkin til að mótmæla stefnu Donalds Trump, í stærstu mótmælum síðan hann sneri aftur í Hvíta húsið.

Mótmælin fara hins vegar ekki aðeins fram í Bandaríkjunum heldur einnig mótmæli í höfuðborgum eins og París, Róm og London.

Sameiginlegt þema mótmælanna er vaxandi gremja vegna þess sem hópurinn Indivisible hefur kallað „sýnu djarfasta valdarán í nútímasögu,“ undir forystu Trump, ráðgjafa hans Elon Musk „og milljarðamæringa þeirra félaga.“

Trump hefur reitt marga Bandaríkjamenn til reiði með því að draga stórlega úr umfangi ríkisstjórnarinnar, þrýsta í gegn íhaldssömum gildum og leggja mikinn þrýsting jafnvel á vinaþjóðir í viðskiptamálum, sem hefur leitt til hruns á hlutabréfamörkuðum.

„Trump, Musk og milljarðamæringa-félagar þeirra eru að skipuleggja árás á ríkisstjórn okkar, efnahag og grundvallarréttindi, með stuðningi þingsins hvert skref á leiðinni,“ sagði á vefsíðu Indivisible.

Margir Demókratar eru reiðir yfir því að flokkur þeirra, sem er í minnihluta bæði í fulltrúadeild og öldungadeild, virðist svo máttlaus gagnvart árásargjarnri stefnu Trump.

Stærstu mótmælin í dag hefjast klukkan 16:00 á íslenskum tíma, aðeins nokkrum húsaröðum frá Hvíta húsinu, í Washington, þar sem áhrifamiklir Demókratar eins og þingmaðurinn Jamie Raskin ætla að ávarpa mannfjöldann.