Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Dísella og Bragi eiga von á barni: „Algjört kraftaverk“

Dísella Lárusdóttir. Mynd / Heiða Helgadóttir Birtíngur
Dísella Lár­us­dóttir. Mynd / Heiða Helga­dóttir Birtíngur

Óperu­söng­konan Dísella Lár­us­dóttir og Bragi Jónsson rekstr­ar­stjóri Leigu­mark­aðar BYKO eiga von á sínu þriðja barni, en fyrir eiga þau tvo syni.

„Þetta er stór­kost­legt og ynd­is­legt en líka svo­lítið erfitt. Þessir furðu­legu tímar vekja auð­vitað upp hjá manni alls konar efa­semdir og hræðslu,“ segir Dísella, spurð hvernig til­finnig sé að vera barns­haf­andi. „Svo getur með­ganga líka endað á alls konar vegu,“ bætir hún við. „Við erum alveg með­vituð um þá stað­reynd en reynum bara að halda í jákvæðn­ina og vonum nátt­úru­lega að allt fari vel.“

Dísella er hálfnuð á með­göng­unni, komin 20 vikur á leið og segir að hingað til „líti allt vel út“. „Það vekur hjá manni von um að eitt­hvað sé alla vega að ganga upp á þessu furðu­lega ári,“ segir hún glað­hlakka­lega.

„Þetta er stór­kost­legt og ynd­is­legt en líka svo­lítið erfitt. Þessir furðu­legu tímar vekja auð­vitað upp hjá manni alls konar efa­semdir og hræðslu.“

Fyrir eiga Dísella og eig­in­maður hennar Bragi Jónsson tvo syni, Jökul Orra, fimm ára og Bjart Lárus, tíu ára. Að sögn Dísellu bíður yngri son­ur­inn í ofvæni eftir því að eign­ast systk­ini. „Hann er svaka­lega kátur með að verða stóri bróðir og er búinn að tala um systur sína síðan síð­asta haust, kom meðal ann­ars heim með mál­aða fjöl­skyldu­mynd um jólin þar sem hann hafði bætt henni við inn á mynd­ina,“ segir hún og hlær.

„Við vitum reyndar ekk­ert hvort þessi lang­þráða ósk hans um að eign­ast systur verður að veru­leika eða ekki,“ tekur hún fram, „þar sem við vitum ekki hvort þetta er stelpa eða strákur, fengum upp­lýs­ingar um það afhentar en höfum enn ekki kíkt í umslagið og ég veit hrein­lega ekki hvort við gerum það. Ég vissi aldrei kynið á fyrri með­göngum, fannst það bara algjört auka­at­riði og Bjartur Lárus vill ekki að við kíkjum, alla vega ekki strax.“

Dísella svarar aðspurð að barn­eignir hafi verið á dag­skránni. „Okkur lang­aði í annað barn, já,“ segir hún. „Auðvitað er samt erfitt að skipu­leggja barn­eignir fyrir mann­eskju eins og mig, sem starfs síns vegna er stöðugt á ferð og flugi og mikið fjar­ver­andi. Fyrir utan það að það má helst ekki sjást á mér á sviði. Við höfum alveg reynt þetta áður, innan þessa þrönga ramma sem það leyfir, og þá er auð­vitað ýmis­legt sem maður þarf að taka með í dæmið, ekki bara með­göng­una heldur líka aðlög­un­ina eftir fæð­ingu,“ nefnir hún sem dæmi. „En þetta ger­ist bara þegar þetta ger­ist og í hvert skipti er þetta algjört krafta­verk.“

Dísella er hálfnuð á með­göng­unni, komin 20 vikur á leið og segir að hingað til „líti allt vel út“.

Eins og kunn­ugt er hefur Dísella verið að syngja og leika á sviði Metropolitan-óper­unnar í New York og gert þar góða hluti. Óperan hefur hins vegar verið lokuð frá 12. mars vegna kór­ónu­veiru­far­ald­urs­ins og segir Dísella að enn sé óljóst hvenær hún hefji starfs­semi á nýjan leik. Framtíð óperu­húsa yfir­leitt sé frekar óljós vegna ástands­ins í heim­inum.

„Eina sýn­ingin sem ég tek þátt í, sem hefur ekki verið aflýst eða frestað, er sýn­ing í Nice, í Frakk­land núna í haust. Þeir hjá óperu­hús­inu þar vita af með­göng­unni og sögðu að það yrði ekki vanda­mál þótt það sæist á mér þar sem ég fer með hlut­verk móður í sýn­ing­unni. Annað er ekki á döf­inni hjá mér. Þannig að ég ætla bara að taka eitt skref í einu og svo njóta þess að vera róleg með litla barnið og fjöl­skyld­unni heima á Íslandi í jan­úar,“ segir hún full til­hlökk­unar.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Menning

Ein besta rapp­sveit Íslands­sög­unnar snýr aftur á svið

Dóttir.x til­nefnd til Music Moves Europe-verð­laun­anna 2027