Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Draumur að hanna og smíða allar innréttingar í húsið sjálf

Hrefna og Benedikt Óskar búa í 167 fer­metra rað­húsi á einni hæð í nýju hverfi í Grinda­vík. Húsið keyptu þau fok­helt af fyr­ir­tæki for­eldra Hrefnu þar sem Hrefna starfar við fram­leiðslu á inn­rétt­ingum.

|
|

Þær eru sjálf­sagt telj­andi á fingrum ann­arrar handar hús­mæð­urnar sem geta stært sig af því að hafa ekki aðeins hannað heldur einnig smíðað allar inn­rétt­ingar og hurðir á heim­il­inu en það er einmitt það sem Hrefna gerði enda hæg heima­tökin. Hún, ásamt systrum sínum og móður, hefur síðan 2013 unnið að hönnun og fram­leiðslu hús­gagna og muna fyrir heim­ilið undir nafn­inu VIGT.

Fokhelt húsið veitti Hrefnu kær­komið tæki­færi til að inn­rétta heim­ilið algjör­lega eftir eigin höfði en það verk vann hún, eins og svo margt annað, í nánu sam­starfi með systrum sínum, Guðfinnu og Örnu. „Ég var svo heppin að Guðfinna hafði búið í húsi eins og þessu þannig að hún kom með marga góða punkta sem hjálp­uðu okkur heil­mikið. Arna sá síðan um að útfæra hug­myndir og að koma þeim á blað. Benedikt og pabbi voru einnig ótrú­lega dug­legir við að koma öllu í fram­kvæmd.“

Eld­húsinn­rétt­ingin er úr svart­bæsuðum aski. Heim­il­is­tæki eru frá AEG og keypt í Bræðr­unum Ormsson, blönd­un­ar­tæki koma frá Tengi en höld­urnar voru sér­smíð­aðar úr stáli og pólý­húð­aðar svartar.

Eldhúsið hjá þeim Hrefnu og Benedikt er dásam­lega stíl­hreint og frá­bær vitn­is­burður um ein­stak­lega vandað hand­bragð Hrefnu sem seg­ist þegar hafa verið komin með nokkuð vel mót­aðar hug­myndir áður en ráð­ist var í fram­kvæmdir.

„Ég lagði upp með að hafa allar inn­rétt­ingar dökkar og stíl­hreinar og einnig var ég ákveðin í að hafa enga efri skápa í eld­húsi.“ Allar inn­rétt­ingar í hús­inu eru úr aski sem hún síðan bæs­aði svartan. Svartan granít­stein á borð­plötu og eyju fengu þau Benedikt hjá Granít­steinum í Hafn­ar­firði. Stíl­hreina loft­ljósið í eld­hús­inu kemur frá Lumex en Hrefna segir tölu­verðan tíma hafa farið í að ákveða nákvæm­lega hvernig ljós hún vildi. Upp­setn­ing á ljós­inu var punkt­ur­inn yfir i-ið, þegar það var komið var eld­húsið klárt.

Að ráðum Guðfinnu var ákveðið að hafa vaskinn ekki í eyj­unni sem skilur eld­hús frá borð­stofu og stofu. „Í veislum og mat­ar­boðum mynd­ast oft skemmti­leg stemn­ing þar sem fólk safn­ast saman í kringum eyj­una til að spjalla og þá er mun snyrti­legra að hafa vaskinn ann­ars staðar,“ segir Hrefna.

Ítalska eldhúsljósið frá æskuheimilinu

Ljósið sem svífur líkt og í lausu lofti yfir hring­laga borð­stofu­borð­inu er ein af þessum dásam­legu og tíma­lausu hönn­un­arperlum sem Ítalir hafa svo rausn­ar­lega lagt til hönn­un­ar­sög­unnar. Frisbi er hönnun og hug­verk hins þekkta ítalska meist­ara Achille Castiglioni sem hann­aði ljósið fyrir ítalska ljósa­fram­leið­and­ann Flos árið 1978. Frisbi er frá­bær vitn­is­burður um styrk­leika Castiglioni sem hönn­uðar en hann var ekki síst þekktur fyrir tækni­lega vel útfærða hönnun á lömpum og ljósum sem oftar en ekki ná að dansa á mörkum hönn­unar og listar.

„Ljósið var alltaf í eld­hús­inu hjá mömmu og pabba en þau keyptu það í Casa á sínum tíma.“ segir Hrefna sem segir ljósið hafa kom­ist í hennar hendur eftir að eld­húsið var tekið í gegn á æsku­heim­il­inu sem end­aði með því að ljósið pass­aði ekki lengur þar inn.

„Ég var svo heppin að fá að taka það með mér þegar ég flutti að heiman. Það sem er svo skemmti­legt við ljósið er að það vakti aldrei neina sér­staka athygli fyrr en við fluttum hingað en hér nýtur það sín svo vel.“

Það sem er svo skemmti­legt við ljósið er að það vakti aldrei neina sér­staka athygli fyrr en við fluttum hingað.
Hring­lagað borð­stofu­borðið er frá VIGT og er það fáan­legt í þremur mis­mun­andi stærðum. Borð­platan er klædd með lin­o­leum-dúk og kant­límd með reyktri eik en borð­fót­ur­inn er úr duftlökk­uðu stáli.

Gólf­síðar hörg­ard­ín­urnar sem dempa svo fal­lega dags­birt­una sem flæðir inn um glugg­ana saum­aði mamma Hrefnu en efnið fann hún hjá Bólstr­ar­anum við Lang­holts­veg. „Mig var lengi búið að dreyma um að eign­ast heim­ili þar sem ég gæti hannað og smíðað allar inn­rétt­ingar sjálf og sá draumur hefur nú ræst. Að flytja héðan, ef ein­hvern tíma kemur til þess, verður eflaust erfitt eftir alla vinn­una sem lögð hefur verið í heim­ilið,“ segir Hrefna að lokum.

Svarti bekk­ur­inn sem stendur upp við stofu­sófann er úr nýju hús­gagna­lín­unni frá VIGT. Hrefna kol­féll fyrir Mobil-vegg­lamp­anum eftir að hafa séð hann í tíma­riti en hann fékk hún hjá Lýsingu & hönnun.
Inn­rétt­ingar á baði eru úr bæsuðum aski og smíð­aðar af Hrefnu á verk­stæði Grind­ar­innar, líkt og aðrar inn­rétt­ingar á heim­il­inu. Loft­ljósið við bað­inn­rétt­ing­una heitir Gask og er frá Lumex. Úr bað­her­bergi er hægt að ganga beint út á afgirtan pall með heitum potti.

Texti / Gerður Harðardóttir
Ljósmyndir / Aldís Pálsdóttir

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Mannlífið

Myndir

Novasvellið rís á Ing­ólfs­torgi

Jólin nálgast óðfluga

Opn­un­ar­veisla Bryggju­húss­ins að hefj­ast

Mæður sem taka sjálfur eiga dætur sem vilja frekar fegr­un­ar­að­gerðir

Hvers vegna eru börn oft að segja þessa setn­ingu?

Bæj­ar­há­tíðin Í tún­inu heima stendur með miklum blóma í Mos­fellsbæ

Bangsa­fé­lagið heldur upp á afmæli með stór­há­tíð og nýrri keppni