Reykjavíkurborg hefur hafnað tillögu Sjálfstæðismanna sem snéri að bæta öryggi gangandi vegfaranda í Úlfársdal en DV greindi fyrst frá málinu. Var tillagan lögð fram eftir að keyrt var á ungan dreng á gatnamótum Úlfarsbrautar og Urðarbrunns í fyrra.
Mikil óánægja hefur ríkt meðal íbúa í hverfinu og er það vegna hringtorgs sem er á gatnamótunum en það er varla sýnileg í myrkri eða snjó og keyra margir bílstjórar yfir hringtorgið viljandi og óviljandi. Telja einhverjir að um hættulegasta hringtorg borgarinnar sé að ræða.
Ekki hlustað á íbúa
Vildu Sjálfstæðismenn að úr þessum ruglingi yrði bætt en var því hafnað af meirihlutanum. „Vegna vinstribeygju strætó á þessum stað er ekki æskilegt að hafa þarna hefðbundið hringtorg,“ sagði í bókun meirihlutans. „Talið er að forgangur Úlfarsbrautar fram yfir Urðarbrunn valdi auknum umferðarhraða og þar með auka líkur á alvarlegri umferðarslysum. Því er tillagan felld. Slys á árinu 2024 virðist ekki hafa haft með útfærslu gatnamótanna að gera.“
„Fjölmargir íbúar hafa óskað eftir úrbótum á umræddum gatnamótum þar sem ekki er skýrt hvort þar sé um hringtorg eða venjuleg gatnamót að ræða. Óvissa um slíkt hefur ítrekað valdið misskilningi og hættu,“ sagði í bókun Sjálfstæðismanna.
Rétt er að taka fram til þess að komast í grunnskóla, íþróttahús, bókasafn og sundlaug hverfisins þurfa mörg börn að labba yfir gangbrautina sem er upp við þetta hættulega hringtorg.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir