Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

„Gott er fyrir þá sem vilja minnka gosneyslu“

Ragna Björk Guðbrandsdóttir og Manuel Utierrez. Mynd/Hákon Davíð Björnsson
Ragna Björk Guð­brands­dóttir og Manuel Utierrez. Mynd/Hákon Davíð Björns­son

Margir þekkja drykk­inn kombucha hér á landi en hann á sér langa sögu í löndum eins og Kína, Japan og Rúss­landi. Í dag þekk­ist hann víða um heim og er vin­sæll í Evrópu og Banda­ríkj­unum sem heilsu­drykkur. Kombucha þykir afar ljúf­fengur og nær­andi auk þess að inni­halda lít­inn sykur og marga gerla sem eru góðir fyrir þarma­flór­una. Hjónin Ragna Björk Guð­brands­dóttir og Manuel Utierrez eru stofn­endur fyrsta kombuchabrugghússins á Íslandi og við fengum að vita meira um þennan heilsu­sam­lega gerjaða drykk.

Fyrstu drykkirnir komu í sölu fyrir um þremur árum og síðan þá hefur Kombucha Iceland notið vax­andi vin­sælda. „Fyrst settum við upp eins­konar kombucha-bari í fjórum versl­unum. Frú Laugu, Bændur í bænum, Mamma veit best og jóga­stöð­inni Sólir. Þar getur fólk komið með eigin umbúðir og dælt sjálft á sínar flöskur. Hugsunin hjá okkur var að koma drykknum á markað sem fyrst og í leið­inni var þetta góð leið til að end­ur­nýta umbúðir sem fellur vel að okkar gildum. Síðan varð þetta bara rosa­lega vin­sælt og við munum halda áfram með bar­ina. Núna er líka hægt að kaupa drykk­inn á flöskum víða, eins og í Krónunni, Mela­búð­inni, Brauð og Co, Gló, Lamb Street Food, Fjarð­ar­kaupum, Háskóla Íslands og fleiri stöðum,“ segir Ragna Björk.

Áhugi frá barn­æsku
Þau hjónin segja okkur frá upp­haf­inu að kombucha-ævin­týr­inu. Manuel hefur haft mik­inn áhuga á gerjun alveg frá barn­æsku. Hann ólst upp á Kúbu og þar fylgd­ist hann með frá unga aldri og af miklum áhuga þegar for­eldrar hans gerj­uðu hefð­bundna drykki sem þar eru vin­sælir.

„Ég ólst upp við að fylgj­ast með alls­konar gerjun. Það þurfti stóran pott og ýmsar græjur til að gera þetta. Hráefni eins og plómur og hrís­grjón var notað við gerj­un­ina og þeir ávextir sem feng­ust úr nærum­hverf­inu. Ég hef alltaf haft áhuga á að gera eitt­hvað sjálfur með þetta og hef prófað alls­konar gerjun í mörg ár, t.d. bruggað bæði blá­berja- og kræki­berja­vín og búið til mínar eigin upp­skriftir. Svo rakst ég á fyrir um sex árum forna aðferð á Netinu við að gerja te, sem sagt kombucha, og ég heill­að­ist af þeirri aðferð,“ segir Manuel.

„Ég ólst upp við að fylgj­ast með alls­konar gerjun.“

Þau hjónin fóru að fikta við þetta heima hjá sér og pönt­uðu sér svo­kall­aðan Scoby erlendis frá sem er lif­andi örveru­þyrp­ing og er grunn­ur­inn í gerj­un­inni og fóru að prófa drykk­inn á sjálfum sér. „Eitt af því sem fékk okkur til að halda áfram var að Manuel fann mikla jákvæða breyt­ingu á sér lík­am­lega við að drekka drykk­inn dag­lega en hann þjá­ist af krónísku maga­vanda­máli. Það kveikti í okkur með áfram­haldið en líka af því okkur fannst hann ein­stak­lega bragð­góður og á þessum tíma var hann hvergi fáan­legur á Íslandi, þannig að við ákváðum að slá til og deila þessu með sem flestum,“ segir Ragna Björk.

Þau nota fersk hrá­efni til að bragð­bæta kombucha-drykk­inn og má þar nefna íslensk ber, rabar­bara og myntu. Einnig nota þau inn­flutta líf­ræna ávexti líkt og engi­fer­rót og app­el­sínur ásamt líf­rænu grænu, svörtu eða hvítu tei í grunn­inn.

„Manuel fann mikla jákvæða breyt­ingu á sér lík­am­lega við að drekka drykk­inn dag­lega en hann þjá­ist af krónísku maga­vanda­máli.“

Á sér langa sögu
Drykk­ur­inn er tal­inn upp­runn­inn í Asíu, lík­lega Kína, eða Rúss­landi. Til eru sögur frá bruggun hans fyrir tíma Krists en hann barst síðan til Evrópu snemma á 20. öld­inni og nú í dag er hann drukk­inn út um allan heim. Gerjuð mat­væli hafa verið til lengi víða í heim­inum en gerjun er einmitt alda­gömul geymslu­að­ferð. „Það sem er svo gott við drykk­inn er að hann inni­heldur engin auka­efni, allt ferlið er nátt­úru­legt og það sem er ein­stakt er að hann er óger­il­sneyddur sem þýðir að hann inni­heldur marga góða gerla sem eru góðir fyrir þarma­flór­una. Kombucha Iceland inni­heldur mjög lít­inn sykur, ekki nema 1,5 g í 100 ml sem telst mjög lítið miðað við marga erlenda fram­leið­endur. Gott er fyrir þá sem vilja minnka gosn­eyslu að fá sér Kombucha Iceland í stað­inn,“ segir Manuel og brosir. Þau benda á góða bók sem upp­lagt er að styðj­ast við ef fólk vill prófa sig áfram heima, hún heitir The Big Book of Kombucha og er eftir Hannah Grum og Alex Lagory.

Mynd/Hákon Davíð Björns­son

SCOBY-MASSI AF GERLUM
Notuð er lif­andi örveru­þyrp­ing við gerj­un­ina sem kall­ast Scoby (Symbiotic Colony of Bacteria and Yeast) en hann er massi af gerlum og geri sem styðja hvert annað í gerj­un­ar­ferl­inu. Fyrst af öllu er lagað sætt te sem er síðan látið gerj­ast, Kombucha Iceland er látið gerj­ast í allt að sex vikur. Svipað ferli á sér stað við fram­leiðslu á jógúrti, víni og bjór. Scoby-örveru­þyrp­ingin knýr áfram gerj­un­ina og nær­ist á sykrinum og koff­ín­inu sem er í teinu og breytir því í bragð­góðan og hollan drykk.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Mannlífið

Myndir

Novasvellið rís á Ing­ólfs­torgi

Jólin nálgast óðfluga

Opn­un­ar­veisla Bryggju­húss­ins að hefj­ast

Mæður sem taka sjálfur eiga dætur sem vilja frekar fegr­un­ar­að­gerðir

Hvers vegna eru börn oft að segja þessa setn­ingu?

Bæj­ar­há­tíðin Í tún­inu heima stendur með miklum blóma í Mos­fellsbæ

Bangsa­fé­lagið heldur upp á afmæli með stór­há­tíð og nýrri keppni