Fá „endalausar inngöngubeiðnir“ í brauðtertufélagið

Vin­sældir hóps­ins eru gríð­ar­legar en um 150 með­limir gengu í hóp­inn strax fyrstu helg­ina.

Líflegar umræður hafa spunn­ist í hópnum um allar hliðar brauðtertu­gerðar og menn­ingar. Þannig mátti hóp­ur­inn taka afstöðu til stærri mála eins og hvort telja megi heita brauð­rétti með í virkni hins nýja félags.

Almennt virt­ust með­limir hóps­ins til­búin að halda heitum brauð­réttum með í starf­semi félags­ins. „Það er vantar eitt­hvað í fólk sem ekki elskar brauðtertur,“ segir einn með­limur hóps­ins. Þá má finna finna myndir af hefð­bundnum brauðtertum, hring­laga og jafn­vel risa­stórri tertu í formi krókó­díls í hópnum.

„Þetta byrj­aði bara sem grín sko hjá mér og Erlu Gísla­dóttur nöfnu minni,“ segir Erla og rekur hvernig hún las hjá vin­konu sinni á föstu­dags­kvöld að ekk­ert gengi að finna hóp á Facebook sem til­eink­aður er þessum mikla veislu­mat.

Erla Gísla­dóttir, brauðtertu­á­huga­kona, lífskúnstner og annar stofn­andi brauðtertu­hóps­ins.

„Ég grín­ast í henni að ef hún finni svona hóp þá vilji ég vera með í honum,“ segir Erla Hlyns­dóttir. „Hún svarar í gríni – eða þannig tek ég því – Já, tökum málið í okkar hendur og stofnun brauðtertu­fé­lagið. Ég er til, segi ég. Brauðtertu­fé­lag Erlu og Erlu er stofnað á meðan við erum að spjalla. Ég tók mig til stofna bara hóp­inn og finn þessa fínu brauðtertu­mynd. Ég kalla þetta bara Brauðtertu­fé­lag Erlu og Erlu sem mér finnst alveg frá­bært nafn. Síðan allt í einu er komið fullt af fólki. Ég sagði við Erlu að ég hefði haldið að það myndu kannski koma svona tíu manns. Síðan hafa bara komið enda­lausar inn­göngu­beiðnir.“

Erla segir með­limi hóps­ins aðal­lega vera að deila myndum enn sem komið er. – Erla segir klárt mál að brauðtertur séu að koma aftur. „Mér finnst maður ekki sjá þetta nógu oft í veislum. Það eru allir orðið með ein­hvern nútísku­mat,“ segir Erla og bætir við að þetta sé að breit­ast.

Sjálf hefur Erla ekki langt að sækka brauðtertu­eld­móð enda sé móðir hennar sé afar fær í gerð slíkra terta. „Hún starf­aði sem smur­brauðs­dama í Norræna hús­inu í gamla daga. Hún gerir rosa flottar brauðtertur á meðan ég er algjör ama­tör við hlið á henni.“

Mikla vin­sældir Brauðtertunnar kom stofn­endum á óvart. „Ef þetta eru við­tök­urnar. Fyrst fólk er svona áhuga­samt þá verðum við klár­lega að gera eitt­hvað meira úr þessu. Ég var til dæmis í fyrsta skiptið núna um helg­ina að lesa upp­skrift af ítal­skri brauðtertu þar sem eru sól­þurrk­aðir tómatar og beikon. Alls­konar sem ég hef bara ekki smakkað á brauðtertu áður,“ segir Erla spennt.

Erla Hlyns­dóttir starf­aði lengi sem blaða­kona en er í dag fram­kvæmda­stýra Pírata. Hún segir þennan klass­íska veislu­mat vin­sælan meðal flokks­manna. „Þær eru það nefni­lega. Í kosn­inga­bar­átt­unni núna í fyrra þá vorum við iðu­lega með brauðtertur á við­burðum hjá okkur. Ég bauð kosn­inga­stjór­anum þáver­andi og núver­andi upp­lýs­inga­stjóra flokks­ins að vera í hópnum.“

Brauðtertu­fé­lag Erlu og Erlu má finna hér.