Atkvæðagreiðsla utan kjörfundar hefst í dag

Atkvæða­greiðsla utan kjör­fundar vegna for­seta­kosn­inga hefst í dag klukkan 10 hjá sýslu­mönnum um land allt.

For­seta­kosn­ingar fara fram 27. júní og í fram­boði eru Guðni Th. Jóhann­es­son, for­seti, og Guð­mundur Franklín Jónsson, hag­fræð­ingur.

Á höf­uð­borg­ar­svæð­inu fer atkvæða­greiðslan fram á fyrstu hæð Smára­lindar. Opið verður alla daga frá klukkan 10 til 19, lokað verður á hvíta­sunnu­dag og annan dag hvíta­sunnu. Frá 15. júní verður einnig hægt að kjósa á Laug­ar­dals­velli frá klukkan 10 til 22 alla daga, lokað verður á þjóð­há­tíð­ar­dag­inn 17. júní.

Á kjör­dag, 27. júní, verður aðeins hægt að kjósa utan kjör­fundar í Smára­lind á milli klukkan 10 og 17 og eru það aðeins kjós­endur á kjör­skrá utan höf­uð­borg­ar­svæð­is­ins sem það geta gert.

Erlendis er hægt að kjósa í sendi­ráðum, aðal­ræð­is­skrif­stofum og hjá kjör­ræð­is­mönnum. Kjós­endum er bent á að kjósa í tíma vegna kór­ónu­veiru­far­ald­urs­ins, svo atkvæði ber­ist heim í tæka tíð fyrir kosn­ingar.

Hér má nálg­ast allar upp­lýs­ingar um kosn­ing­arnar.