Grettir byggingafulltrúi vísar fyrirspurn á tengdamóður hins grunaða

Grettir Örn Ásmund­ar­son, bygg­inga­full­trúi Árnes­hrepps á Ströndum, veitir engin svör um hvað hið opin­bera hefur aðhafst gagn­vart óleyf­is­fram­kvæmd á Djúpavík. Þar var reist bygg­ing í leyf­is­leysi og á landi sem fjöl­skyldan sem reisti hana á ekki. Þá svarar hann engu um hversu langan frest hann muni veita fjöl­skyld­unni til að koma hlut­unum í lag.

Fjöl­skylda odd­vita Árnes­hrepps á Ströndum reisti bygg­ingu á landi sem hún á ekki. Þar að auki var bygg­ingin reist í leyf­is­leysi. Fyrir fram­kvæmd­inni er skráður Magnús Karl Pét­urs­son, hót­el­stjóri á Djúpavík og tengda­sonur Evu Sig­ur­björns­dóttur, odd­vita hrepps­ins.

Forsaga máls­ins er sú að fjöl­skyldan fékk fyrir mörgum árum svo­kallað stöðu­leyfi fyrir því að koma fyrir gámum á landi í Djúpavík á Ströndum. Und­an­farin ár hefur fjöl­skyldan síðan byggt í kringum þessa gáma en fyrir því liggja ekki leyfi frá hinum opin­bera.

Snemma októ­ber­mán­aðar sagð­ist Grettir ætla að setja sig í sam­band við fjöl­skyld­una og krefj­ast svara. Nú vill bygg­inga­full­trú­inn engin svör veita umfram það að málið sé í ferli. Hann vís­aði því fyr­ir­spurnum Mannlífs á Evu odd­vita, tengda­móður Magnúsar hót­el­stjóra. Við vinnslu frétt­ar­innar var reynt að ná sam­bandi við Magnús en án árang­urs.