Frá og með komandi helgi býður veitingastaðurinn Sjáland í Garðabæ upp á Bröns Beat með DJ Dóru Júlíu annan hvern laugardag. Fjörið hefst á morgun þar sem kampavínið mun jafnframt flæða í glæsilegri kynningu fyrir gesti.
Almar Yngvi, einn af eigendum og veitingastjóri Sjálands, segir að Covid-faraldurinn hafi fengið staðinn til að hugsa út fyrir boxið. „Við eigum öll skilið að lyfta okkur upp! Við hvetjum alla til að líta við og gera sér glaðan dag um helgina með glæsilegum bröns matseðli, smáréttum og kokteilum ásamt stórbrotnu útsýni yfir Arnarnesvoginn. Dóra Júlía mun vera hjá okkur nk. laugardag með gott groove til að taka á móti bjartari tímum!,“ segir Almar.
Að sögn Almars verður í boði bæði komandi laugardag og sunnudag glæsileg freyði- og kampavínskynning fyrir alla brönsgesti. Hann bendir á að frá og með næsta mánuði verði boðið upp á fullt af spennandi viðburður á Sjálandi, til að mynda kokteilkvöld. Við höfum notað COVID til að þróa okkar hugsjón enn betur og verður gaman að geta loksins sýnt húsið og það sem við erum búin að vera gera. Margir af okkar fremstu tónlistarmönnum, viðburðahöldurum og vínsérfræðingum sem bíða spenntir eftir því að halda áfram að byggja upp menningarhús í Garðabæ. Um leið og Þórólfur gefur grænt á það. Við erum rétt að byrja!,“ segir Almar.
Hér
getur þú skoðað hinn glæsilega brönsseðil Sjálands.
Athugasemdir