„Eftirtaldir bæjarfulltrúar sem ekki höfðu sómatilfinningu“ – Sigurður krefur bæjarstjórn svara

Sigurður nokkur skrif­aði færslu á Facebook hóp­inn Norð­ur­bær­inn minn – Íbúar í Norðurbæ Hafn­ar­fjarðar þar sem hann segir frá spurn­ingum sem hann lagði fyrir þá 11 bæj­ar­full­trúa er vinna hjá Hafn­ar­fjarð­arbæ. Snéru spurn­ing­arnar ákvörðun um að hefja fram­kvæmdur við bygg­ingu íbúða við Hjalla­braut, við hlið skáta­heim­il­is­ins. Segir Sigurður að fram­kvæmd­irnar, sem nú eru í fullum gangi, hafi mætt mik­illi and­stöðu Hafn­firð­inga en svo virð­ist sem bæj­ar­full­tú­arnir hafi virt vilja bæj­ar­búa að vettugi. Hér eru spurn­ing­arnar sem Sigurður sendi í tölvu­pósti til allra bæj­ar­full­trú­anna ell­efu:

1. Veittir þú þinn stuðn­ing fyrir breyttu deilu­skipu­lagi til þess að greiða fyrir að af þessum fram­kvæmdum við Hjalla­braut gæti orðið?

2. Ertu hlynntur þessum fram­kvæmdum við Hjalla­braut?

Segist Sigurður hafa gefið full­trú­unum um þrjár vikur til að svara en aðeins tveir hafi séð sóma sinn í að svara. Það sé honum mikil von­brigði.

„Ólafur Ingi Tómasson Sjálf­stæð­is­flokki svarar eft­ir­far­andi:

Sæll Sigurður.

Til að svara þessum spurn­ingum er ein­falt að vísa í fund­ar­gerðir bæj­ar­ins þar sem allir full­trúar í skipu­lags- og bygg­ing­ar­ráði sam­þykktu deiliskipu­lags­til­lög­una. Í bæj­ar­stjórn var deiliskipu­lagið sam­þykkt án mót­at­kvæða, eða með níu atkvæðum, tveir sátu hjá.

Kveðja­Ingi Tóm­as­son­bæj­ar­full­trúi Hafn­ar­fjarð­ar­bæ­for­maður skipu­lags- og bygg­ing­ar­ráðs“

Sigurður við­ur­kennir að hann hefði ekki vitað að þessar upp­lýs­ingar væru opin­berar en sagði þó að þegar hann hafi reynt að finna þær á heima­síðu Hafn­ar­fjarð­ar­bæjar hafi það verið eins og að leita að nál í hey­stakka.

Hinn bæj­ar­full­trú­inn sem svar­aði Sigurði var Jón Ingi Hákon­ar­son, Viðreisn.

„Sælir

Sjálf­sagt að svara þessum spurn­ingum.Já ég greiddi atkvæði með fram­kvæmd­inni sem leiðir til hins aug­ljósa svars að ég styð fram­kvæmd­irnar, ástæður fyrir atkvæði mínu er sú að Viðreisn styður almennt þétt­ingu byggðar, auk þess er gríð­ar­legur skortur á íbúð­ar­hús­næði í bænum þar sem lítið hefur verið byggt á und­an­förnum rúma ára­tug. Þétt­ing­ar­verk­efni verða alltaf umdeild og smekkur fólks er mis­mun­andi. Okkar sýn er sú að þétt­ing­ar­verk­efni verða að falla að þeirri byggð sem fyrir er og við teljum að þetta verk­efni geri það. Það voru því engin efn­is­leg rök til að vera á móti verk­efn­inu.Bestu kveðj­urJón Ingi Hákon­ar­son

Oddviti Við­reisnar í bæj­ar­stjórn Hafn­ar­fjarðar“

Þakkar Sigurður þeim Ólafi Inga og Jóni Inga fyrir svörin en lýsir svo yfir von­brigðum með svara­leysi hinna níu full­trúa, sem hann telur upp og setur þannig pressu á að þau svari sér.

„Ég þakka þeim Ólafi Inga Tómassyni og Jóni Inga Hákon­ar­syni kær­lega fyrir svörin en jafn­fremt lýsi ég von­brigðum og þungum áhyggjum yfir því að í bæj­ar­stjórn Hafn­ar­fjarðar sitji fólk sem hundsar þá sem þeir eru í vinnu hjá. Eft­ir­taldir bæj­ar­full­trúar sem ekki höfðu sóma­til­finn­ingu til þess að svara og jafn­vel standa fyrir máli sínu eru :

Rósa Guð­bjarts­dótt­ir­Krist­inn And­er­sen­Helga Ing­ólfs­dótt­ir­Kristín María Thorodd­sen­Sjál­stæð­is­flokki.Ágúst Bjarni Garð­ars­son­Fram­sókn og óháðir.Adda María Jóhanns­dótt­ir­Frið­þjófur Helgi Karls­son­Sam­fylk­ingu.Guðlaug Svala Stein­unnar Krist­jáns­dótt­ir­Bæj­ar­list­anum.Sigurður Þ. Ragn­ars­son­Mið­flokki“

Færslan hefur fengið tölu­verð við­brögð í hópnum en sitt sýn­ist þó hverjum. Flestir sem tjá sig undir færsl­unni eru mjög á móti fram­kvæmd­unum en nokkrir styðja hana þó.