Þrír starfsmenn hættir á Sælukoti: „Við erum ákveðin í að láta þetta mál ekki stoppa okkur“

„Samstaða er um að halda áfram því góða starfi sem unnið er í Sælukoti og halda þeirri fram­þróun til streitu sem á áætlun er og erum við ákveðin í að láta þetta mál ekki stoppa okkur,“ segir í tölvu­pósti frá stjórn leik­skól­ans Sælukots til for­eldra barna þann 16. nóv­em­ber síð­ast­lið­inn.

Leik­skól­inn hefur fengið mikla umfjöllun síð­ustu daga eftir að bréf frá fyrrum starfs­fólki og aðstand­endum barna við leik­skól­ann barst yfir­völdum.

Mannlíf hefur fjallað um mál leik­skól­ans frá því í sept­em­ber á þessu ári.

Í bréf­inu til yfir­valda koma fram slá­andi frá­sagnir starfs­fólks og for­eldra barna þar sem á lýs­ingum má dæma að van­ræksla og brot á rétti starfs­manna hafi verð látin við­gang­ast árum saman.

Hafa nú þrír starfs­menn sagt upp störfum við leik­skól­ann Sælukot en kemur það fram í tölvu­póst­inum til for­eldra.

Í tölvu­póst­inum er það sagt mik­il­vægt að þau standi saman og haldi áfram að sinna starf­inu með börn­unum og tryggja að þau séu ham­ingju­söm og örugg á leik­skól­anum.

Hvergi í tölvu­póst­inum má finna afsök­un­ar­beiðni sem bein­ist að þeim sem stigu fram og sögðu sína reynslu, hvorki til for­eldra né fyrrum starfs­fólks. Þá seg­ist stjórnin ekki ætla að láta þetta mál stoppa sig þrátt fyrir að um sé að ræða mik­inn fjölda mála.

Í sam­tali við Mannlíf í gær var María Ösp Ómars­dóttir leik­skóla­stýra spurð út í afstöðu þeirra og við­brögð við alvar­legum atvikum og frá­sögnum. Sagði María það ekki vera fók­us­inn:

„Okkar við­brögð eru nátt­úru­lega þau að við erum bara að hugsa um okkar starfs­fólk, og okkar fjöl­skyldur sem að er fólkið sem skiptir okkur mestu máli nákvæm­lega núna.“

Sagði hún að við­brögð við bréf­inu væri ekki aðal­fók­us­inn hjá þeim að svo stöddu.