Ný stjórn Herjólfs ohf. kosin: „Kýs ég að sitja hjá en lýsi yfir fullu trausti til stjórnarinnar“

Kosið var um nýja stjórn Herjólfs ohf. á síð­asta bæj­ar­stjórn­ar­fundi Vest­manna­eyja­bæjar á þessu kjör­tíma­bili, í dag. Sex kusu með skipun stjórn­ar­innar en einn sat hjá og gerði grein fyrir ástæð­unni.

Styr hefur staðið um mál­efni Herjólfs ohf. að und­an­förnu en í jan­úar komst upp um brot skip­stjóra um borð en hann sigldi 10 daga um jólin án starfs­leyfis. Var hann lát­inn taka poka sinn í síð­ustu viku. Þá var stýri­maður einnig rek­inn í síð­ustu viku en hann hafði tveimur árum áður verið lækk­aður um tign, frá því að vera skip­stjóri og niður í stýri­manna­stöð­una eftir brot í starfi. Hafði hann und­an­farið leyst af við sigl­ingar en hefur nú verið sagt upp. Hafa þó nokkrir starfs­menn Herjólfs sagt upp að und­an­förnu.

Sjá einnig: Skip­stjóra Herjólfs loks­ins gert að hætta – Reiknar með að þetta ger­ist ekki aftur

Bæj­ar­stjórn Vest­manna­eyja­bæjar skip­aði eft­ir­far­andi í stjórn Herjólfs ohf.:

Páll Scheving í stað­inn fyrir Arnar Pét­urs­son
Guð­laugur Frið­þórs­son
Agnes Ein­ars­dóttir
Helga Kristín Kol­beins­dóttir í stað­inn fyrir Arndísar Báru Ingi­mars­dóttur
Sig­ur­bergur Ármanns­son í stað­inn fyrir Pál Guð­munds­son

Forseti bæj­ar­stjórnar, Elís Jónsson, var eini með­limur bæj­ar­stjór­ar­innar sem ekki greiddi með skipun stjórn­ar­innar en hann sat hjá. Gerði hann grein fyrir ákvörðun sinni:
„Und­ir­rit­aður, sá sem hér talar hefði kosið að stjórn Herjólfs ohf hefði verið skipt út í heild sinni og af þeim sökum kýs ég að sitja hjá en lýsi yfir fullu trausti til stjórn­ar­innar.“