Vítalía kærir alla nema Loga Bergmann: „Búið að taka skýrslu af öllum í málinu, líka sakborningum“

„Það er búið að taka skýrslu af öllum í mál­inu, líka sak­born­ingum,“ sagði Kolbrún Garð­ars­dóttir, lög­maður Vítalíu Lazarevu, í sam­tali við Mannlíf í morgun.

Stað­festi hún jafn­framt að Vítalía hefði lagt fram kæru á hendur Ara Edwald, Hregg­viði Jónssyni og Þórði Má Jóhann­essyni. Sagði hún Vítalíu hafa farið í skýrslu­töku vegna máls­ins í sumar.

Aðspurð hvort eitt­hvað nýtt væri að frétta af mál­inu sagði hún svo ekki vera.

„Það er bara í rann­sókn hjá lög­regl­unni. Það er verið að kalla eftir gögnum og ýmis­legt þannig að þetta er bara eðli­legur gangur.“

Greindi Mannlíf fá því í gær að Vítalía og Arnar Grant hefðu sést saman und­an­farið, meðal ann­ars að versla í mat­inn.

Bæði Vítalía og Arnar voru kærð í júní fyrir til­raun til fjár­kúg­unar, hót­anir og brot gegn frið­helgi einka­lífs. Voru það þre­menn­ing­arnir, Ari, Hregg­viður og Þórður sem lögðu fram kæruna.

Líkt og Mannlíf rifj­aði upp í gær greindi Vítalía frá því í hlað­varps­þætt­inum Eigin konur í upp­hafi árs að hún ætl­aði sér að leita réttar síns, eftir að hafa orðið fyrir meintu kyn­ferð­is­of­beldi af hálfu þre­menn­ing­ana.

Í sama þætti greindi hún frá ást­ar­sam­bandi sínu við kvæntan mann, Arnar Grant, og lýsti því einnig hvernig Arnar hefði veitt fjöl­miðla­mann­inum Loga Bergmann kyn­ferð­is­legan aðgang að henni í golf­ferð haustið 2021.

„Hann dregur spil úr ein­hverju kyn­líf­s­leikja­spili, sem er ein­hver svona mönun; eitt­hvað sem maður á að gera. Þá á ég bara að fara að sjúga á mann­inum typpið og hann að fara niður á mig.,“ sagði Vítalía um meint atvik í golf­ferð­inni.

Sagðist hún hafa grát­beðið Arnar um að stoppa.

„Ég horfi í augun á honum(Arnari) og segi: Ég vil ekki meira, viltu hætta þessu. Hann sagði bara: Vítalía, þetta er allt í lagi, ég er með þér.

’’ Svo hljóðar hluti frá­sagnar Vítalíu úr við­tal­inu en sam­kvæmt Arnari Grant fór Vítalía með rangt mál.

Var það í sumar þegar Arnar tjáði sig loks um málið og sagði þá meint atvik í golf­ferð­inni ekki vera sann­leik­anum sam­kvæmt. Aðspurður hvers vegna hann hafi þagað yfir þessu í hálft ár, sagði Arnar:

„Hvar átti ég að byrja til að vinda ofan af þessu? Skaðinn var skeður og ég vildi bara hlífa fjöl­skyld­unni og öðrum.’’

Þá sagð­ist hann ein­fald­lega hafa verið hræddur við enn meira skít­kast.

,,Ásak­an­irnar voru svo þungar að ég átti ekki von á að mér yrði trúað. And­rúms­loftið í sam­fé­lag­inu var ekki vin­veitt og ég vildi bara ekki fara í ein­hvern leðjuslag.“

Málið hefur vakið gríð­ar­lega athygli í sam­fé­lag­inu frá því í upp­hafi árs.

Er nú staðan sú að þre­menn­ing­arnir hafa kært Arnar og Vítalíu og Vítalía hefur kært þre­menn­ing­ana.

Þess má því geta að Vítalía hefur ekki kært Loga Bergmann fyrir meint atvik í golf­ferð­inni, sem Arnar segir að ekki hafa átt sér stað.

Þá hefur Arnar greint frá því opin­ber­lega að hann hygg­ist bera vitni í máli Vítalíu, þegar þar að kemur.