Eva Laufey miður sín yfir smákökudeiginu: „Aldrei myndi ég vilja koma ólykt inn á heimilin ykkar!“

Eva Laufey Her­manns­dóttir, mark­aðs- og upp­lif­un­ar­stjóri Hagkaupa, hefur beðist vel­virð­ingar á göll­uðu súkkulaði­bita­köku­deigi sem virð­ist vera í umferð. Það hefur hún gert í fjöl­mennu sam­fé­lagi mat­gæð­inga á Facebook, Mat­ar­tips!.

„Ég er gjör­sam­lega miður mín yfir þessu. Þetta eru sem­sagt súkkulaði­bita­kök­urnar og því miður hafa komið upp nokkur til­felli. Aldrei á ævi minni myndi ég vilja koma ólykt inn á heim­ilin ykkar eða bjóða upp á ónýtar kökur eða deig. Þetta er graut­fúlt!,“ segir Eva Laufey og heldur áfram:

„Katla hefur tekið á þessu máli og er verið að vinna í því að finna ástæð­una, að öllum lík­indum er þetta vegna kæl­ingar en hvar í ferl­inu er erfitt að segja. Vonandi skýrist það á næstu dögum. TAKK fyrir að láta vita og mig langar að benda öllum sem lenda í þessu leið­indar atviki að senda tölvu­póst á [email protected] og við bætum ykkur þetta upp“

Ástæða þess að Eva sá sig til­neydda til að biðj­ast afsök­unar var umræða sem fór af stað inni á Mat­ar­tips!. Máls­hefj­andi var Esther nokkur sem var alls ekki hrifin af nýja deig­inu hennar Evu og svo virð­ist sem fleiri hafi verið óheppnir með deigið:

„Ég keypti svona deig það er mjög vond lykt af þeimog skrítnar þegar þær bak­ast eins og syk­ur­inn í þeim bak­ast ekki og safn­ast saman ofan á þeim. Eru fleiri að lenda í þessu?,“ spyr Esther og birti þessa mynd eftir bakst­ur­inn: