Meintum barnaníðingi sagt upp hjá Húsasmiðjunni: „Ég veit þér er sama, en ég gæti farið í fangelsi“

Tál­beitan á TikTok fletti á dög­unum ofan af meintum barn­a­níð­ingi sem hugð­ist hitta 12 ára strák.

Fylgj­endur aðgangs­ins á TikTok könn­uð­ust við mann­inn og í athuga­semdum við færsl­una kom ábend­ing um að mað­ur­inn ynni sem yfir­maður í einni af versl­unum Húsa­smiðj­unnar.

Margir fylgj­endur tál­beit­unnar merktu Húsa­smiðj­una í athuga­semdum.

Ein­hverjum dögum seinna kom athuga­semd frá umsjón­ar­manni TikTok aðgangs­ins að mann­inum hafi verið vikið úr starfi:

„Það er búið að reka hann,“ sagði í færsl­unni.

Mannlíf leit­aði við­bragða hjá Húsa­smiðj­unni. Rætt var sím­leiðis við Eddu Björk Krist­jáns­dóttur mannauðs­stjóra Húsa­smiðj­unnar. Samkvæmt beiðni hennar hefur fyr­ir­tæk­inu borist skrif­leg fyr­ir­spurn. Enn hafa engin svör feng­ist. Fréttin verður upp­færð þegar svör ber­ast.

Hélt að hann væri að tala við 12 ára dreng

Forsaga máls­ins er að mað­ur­inn nálg­ast tál­beit­una að fyrra bragði á SnapChat. Hann tjáir sig og seg­ist vera 45 ára gam­all og spyr tál­beit­una um aldur. Sá seg­ist vera 12 ára gam­all.

Samtalið heldur áfram og mað­ur­inn biður tál­beit­una um myndir af lim drengs­ins til sönn­unar á hversu graður hann sé. Samtalið heldur áfram og mað­ur­inn virð­ist véfengja myndir tál­beit­unnar. Hann bendir á að mynd­irnar sýni ekki sama getn­að­ar­lim­inn.

Meðvitaður um glæpinn

„Þú ert 12 ára og það er glæpur fyrir mig að ríða þér,“ skrifar mað­ur­inn til tál­beit­unnar sem seg­ist ekki nenna að tala lengur við hann og spyr hvort hann ætli að hitta sig eða ekki.

Maðurinn svarar:

„Mig langar,“ og bætir við: „Ég veit þér er sama, en ég gæti farið í fang­elsi“.

Maðurinn bendir tál­beit­unni á að hann geti verið kærður fyrir það eitt að senda mynd af getn­að­ar­limi sínum. Þrátt fyrir það sam­mæl­ast þeir um að hitt­ast í bíl manns­ins og stunda sam­ræði. Maðurinn við­ur­kennir að vera bæði stress­aður og graður og spyr tál­beit­una:

„Heldurðu að þú verðir harður?“

Í mynd­skeið­inu sést bif­reið manns­ins.

Tál­beitan gengur að bílnum og segir öku­mann­inum að opna. Í sam­tali þeirra á milli segir mað­ur­inn ekk­ert hafa ætlað sér með dreng­inn og lofar að gera aldrei neitt þessu slíku aftur. Fram­kemur að þeir hafa verið að spjalla saman í tvo eða þrjá daga.