Hanna Kristín Skaftadóttir hefur birt færslu á fésbókarsíðu sinni vegna nýútkominnar yfirlýsingar Steingríms Sævarrs, almannatengils. Sannkallað ruslatunnustríð hefur átt sér stað í litlu þríbýli á Seltjarnarnesi. Í yfirlýsingunni sakar Steingrímur meðal annars Hönnu Kristínu um að hafa gefið sér fingurinn:
„Þegar ég steig út úr bílnum á aðfangadagsmorgun stóð hún við gluggann, sendi mér fingurinn og storkaði með öðru fingratengdu táknmáli. Mér blöskraði auðvitað yfirgangurinn og ofbeldið en gerði þó ekki annað en að færa tunnurnar á sinn stað,“ skrifar Steingrímur í yfirlýsing sinni.
Aðspurð svarar Hanna Kristín vegna ásakana Steingríms um fingrasendingar svohljóðandi:
„Ég hef aldrei nokkru sinni sent þessum manni fingurinn né nokkurskonar annað táknmál með fingrum – sömuleiðis sá ég hann aldrei á aðfangadag. Við hinsvegar færðum til jóladraslið hans og sést á meðfylgjandi myndum. Hér sést bersýnilega að ekkert jóladrasl var rifið niður á aðfangadag. Yfirlýsing Steingríms er hreinn og beinn tilbúningur og gróf gaslýsing ofbeldismanns.“
Til útskýringar sýnir Hanna Kristín mynd og bætir við: „Þetta kalla ég sannarlega ekki að rífa niður neitt jólaskraut.“
Þá bætir Hanna Kristín við: „Auk þess er ég með SmartLock á útidyrahurðinni minni sem sýnir að ég fór ekkert út úr húsi á aðfangadagsmorgni svo að dylgjur hans um að ég hafi hreinlega séð hann þá eru út í hött.“
Hér að neðan má sjá færslu Hönnu Kristínar:
„Gaslýsing 101 dömur mínar og herra
Nútíminn var að hringja og ég mæli með uppfærslu á aðferðafræði hans, gaslýsingar og tuddaskapur eru algjörlega out of style.
Merkilegt að hann hafi bara „geymt smá“ tunnurnar fyrir framan bílinn minn þegar í öll hin skiptin sem hann er í þessum tunnuleik sínum hefur hann fært þær rakleiðis yfir. Ofstækistaktar hans eru kristalskýrir á myndbandinu. Mögulega er þetta ein vandræðalegasta „yfirlýsing“ sem ég hef lesið.Myndi ekki ráða þennan mann til að sinna almanntengslum fyrir mig ef þetta er hans besta afsökun fyrir ógnandi og vitfirringslegri hegðun sinni sem við öll heimilisfólkið og fleiri fjölskyldumeðlimir höfum orðið vitni að.Allt saman mjög dapurt en greyið maðurinn má alveg halda áfram að reyna að sprikla því ég veit að hans hegðun þolir illa dagsljósið. Skil mjög vel að hann sé í skömm og búinn að mála sig út í horn en svona gaslýsing er mjög oldschool taktíkt.“
Sjá nánar:
Athugasemdir