Segir aðkomuna í fjósinu í Skagafirði skelfilega: „Svo mikil eymd í augunum á dýrunum“

Upp­ljóstr­ar­inn sem sendi ljós­myndir og mynd­skeið á Mannlíf, segir aðkom­una í fjósi búfén­að­ar­ins í Skaga­firði sem Mannlíf sagði frá, fyrstur fjöl­miðla í gær, hafa verið skelfi­lega.

„Ég fékk ábend­ingu fyrir nokkru síðan um slæma með­ferð á naut­gripum og ákvað bara að gera mér ferð norður í land,“ sagði heim­ild­ar­maður Mannlífs og hélt áfram. Fór hann í skjóli næt­urs á bónda­bæ­inn og tók ljós­myndir og mynd­skeið sem Mannlíf hefur nú undir höndum. En hvernig var aðkoman? „Þarna voru gripir sem voru veru­lega vannærðir og sumir hverjir grind­horaðir. Og það er svo mikil eymd í þessu húsi. Svo mikil eymd í aug­unum á dýr­unum. Þarna var allt í skít og drullu og alltof þröngt í stí­unum hjá naut­grip­unum,“ sagði heim­ild­ar­mað­ur­inn og bætti við að í hús­inu hafi einnig verið fjöldi kinda sem hann hafi veru­legar áhyggjur af.

Dýrin vaða mykju upp á hné.

Mynd: aðsend

„Tíminn stoppar þarna, þetta er svo mik­ill hryll­ingur,“ segir heim­ild­ar­mað­ur­inn og er mikið niður fyrir. „Og hryll­ingur er sá líka að þeir sem eiga að hugsa um vel­ferð skepna, stofnun sem heitir Mast, hún er gjör­sam­lega van­hæf. Hún er búin að sanna það og sýna og þetta mál er bara skóla­bók­ar­dæmi um það.“

Enginn bóndi fer svona með dýrin sín

Segir heim­ild­ar­mað­ur­inn enn­fremur að málið snú­ist um það hvernig eft­ir­lits­menn hér á landi hagi sér „og hafa kom­ist upp með það í mörg ár.“ Bætir hann við: „Þetta er þver­brotið, með­ferðin á dýr­unum og aðbún­aður. Þetta er til dæmis bara skemma sem var ekki hugsuð fyrir dýr. Gólfið er mold til dæmis. Þannig að allar reglur eru þver­brotnar. Og ég hermi þetta allt saman upp á Mast, þetta er á þeirra ábyrgð. Þetta er punkt­ur­inn yfir I-ið. Stofn­unin er bara rúin trausti.“

Heim­ilda­mað­ur­inn seg­ist núna vilja sjá Svandísi Svav­ars­dóttur mat­væla­ráð­herra stíga fram í þessu máli, því það sé grafal­var­legt.

Vildi heim­ild­ar­mað­ur­inn einnig koma því á fram­færi að ekki sé við alvöru bændur að sakast. „Enginn bóndi fer svona með dýrin sín. Þessi maður er eitt­hvað allt annað en bóndi.“

Að lokum vill heim­ild­ar­mað­ur­inn spyrja tveggja spurn­inga: „Erum við neyt­endur að borða þetta kjöt? Tekur eitt­hvað slát­ur­hús við þessum gripum?“

Hér fyrir neðan má sjá mynd­skeið úr fjós­inu.