Frosti segir Gísla Martein í samstarfi með Öfgum: „Ætlar ekki að lenda undir þessari rútu sjálfur“

Frosti Logason las upp póst frá ónefndum manni í hlað­varps­þætti sínum Harma­geddon en í póst­inum er því haldið fram að Gísli Marteinn Bald­urs­son sjón­varps­maður sé í ein­hvers konar sam­starfi við „öfga­fem­inista­grúppu“.

„Þá er áhuga­vert að skoða þessi sam­skipti innan úr einni öfga­fem­inista­grúpp­unni þar sem þær skipu­leggja áróð­urs­her­ferðir sínar. Hér eru nokkrar þeirra að ræða um það að Gísli Marteinn sé „með þeim í liði“ og seg­ist fylli­lega sáttur við að láta menn sem hafa lent í ósönn­uðum ásök­unum aðgerða­sinn­anna fá það óþvegið í sjón­varpi allra lands­manna,“ les Frosti meðal ann­ars upp úr bréf­inu og heldur áfram: „Gísli er löngu búinn að sanna að hann er ómerki­legt skítseiði sem hikar ekki við að henda jafn­vel góðum vinum sínum undir rút­una, eins og Loga Bergmann og Svan­hildi, til þess eins að fá sam­þykki frá þessum ofbeld­is­skríl.“

Tekur Frosti fram að hann vilji kannski ekki kalla Gísla Martein skítseiði en að hann hafi „klár­lega sýnt af sér mjög ein­kenni­lega hegðun í sjón­varps­þætt­inum sínum, Vikunni.“ Sagði hann einnig: „Ég hef nú talað um þetta áður en þar hefur hann nýtt sér það þegar menn lenda í hakka­vél­inni, þá gerir hann óspart grín þegar málin hafa ekki verið til lykta leidd, jafn­vel þegar síðar kemur í ljós að menn­irnir eru hafði fyrir rangri sök. Þá eftir stendur að Gísli Marteinn er búinn að nota föstu­dags­kvöldið Vegan með Mýsla Marteini til þess að djöfl­ast á þessu. Þetta er lygi­legt.“

Frosti birtir svo skjá­skot af Twitter færslum og sam­skiptum Tönju M. Ísjförð Magn­ús­dóttur, með­lim Öfga og nokk­urra ann­arra á Twitter en þar ræða þær um Gísla Martein og hvernig hann sé „með þeim í liði“.

Í lok mynd­skeiðs­ins segir Frosti: „Það er algjör­lega bilað að hugsa til þess að full­orð­inn maður sem á að þekkja reglur rétt­ar­rík­is­ins og svo fram­vegis, leyfi sér að gera þetta og sem starfs­maður hjá Rík­is­sjón­varp­inu, en hann gerir það því hann er í liði með Öfgum. Hann er búinn að semja við þær um sam­starf. Það er greini­legt að hann ætlar ekki að lenda undir þess­ari rútu sjálfur, hann veit að hver sem er getur lent í ósönn­uðum ásök­unum og eina leiðin fyrir hann að koma hjá því er að sleikja upp öfga trukkaless­urnar. Svei mér þá. Þetta er galin ver­öld.“

Hægt er að horfa á mynd­skeiðið hér fyrir neðan: