Tilkynnti um þjófnað úr bíl sínum – Lögreglan mætti á vettvang og þá kom þetta í ljós

Dagbók lög­reglu er stút­full að þessu sinni; svo mikið var að gera í nótt að fjöl­miðla­póstur næt­ur­innar var sendur út af varð­stjóra dag­vaktar; já, sökum anna hjá næt­ur­vakt­inni sem ein­fald­lega komst ekki í verk­efnið.

En hjá lög­regl­unni á Höf­uð­borg­ar­svæð­inu gista nú 11 manns fanga­geymslur fyrir hin ýmsu brot. Í ofan á lag við þau mál sem hér eru nefnd að neðan þá var mikið að gera hjá lög­reglu að lækka í sam­kvæmum í heima­húsum auk þess sem tölu­verð ölvun var í mið­borg­inni og þurftu nokkrir aðstoð lög­reglu við að kom­ast ýmist á fætur eða til síns heima.

Lög­reglu­stöð 1

Tveir hand­teknir í mið­borg­inni. Reyndust þeir báðir vera með piparúða á sér auk þess sem annar er grun­aður um vörslu á fíkni­efnum. Þeir gista nú fanga­geymslur lög­reglu.

Ökumaður bif­reiðar olli umferð­ar­slysi. Þá kom í ljós að hann var veru­lega ölv­aður og gistir fanga­geymslur í þágu rann­sóknar máls­ins. Mikið tjón á bif­reiðum.

Ökumaður bif­reiðar stöðv­aður vegna gruns um akstur undir áhrifum fíkni­efna. Laus að blóð­sýna­töku lok­inni.

Ökumaður bif­reiðar stöðv­aður vegna gruns um ölv­un­arakstur. Laus að blóð­sýna­töku lok­inni.

Til­kynn­ing barst lög­reglu um þrjá aðila í slags­málum í mið­borg­inni. Þegar lög­regla ætl­aði að fá hjá þeim per­sónu upp­lýs­ingar var djúpt á skil­ríkjum. Menn­irnir vistaðir í fanga­klefa en þeir eru grun­aðir um brot á útlend­inga­lög­unum.

Tilkynnt um slas­aðan aðila eftir raf­hlaupa­hjólaslys. Þá reynd­ist hann einnig vera ölv­aður og lék grunur á að hann hefði ekið raf­hlaupa­hjól­inu undir áhrifum áfengis. Laus að blóð­sýna­töku lok­inni.

Ölvaður öku­maður hand­tek­inn. Laus að blóð­sýna­töku lok­inni.

Óskað var eftir aðstoð lög­reglu vegna slags­mála sem hefðu brut­ust út inni í bif­reið. Þar hefðu tveir farið að deila og náði hinn yfir­hönd­inni með þeim afleið­ingum að annar þurfti að leita á slysa­deild á eftir. Grunur lék á að um stór­felda lík­ams­áras væri að ræða og var því annar þeirra vistaður í fanga­klefa í þágu rann­sóknar máls­ins.

Lög­reglu­stöð 2

Tilkynnt um fjög­urra bíla árekstur á Víf­ils­stað­ar­vegi. Ekki um slys á fólki að ræða.

Tilkynnt um notkun flug­elda. Eins og alþjóð veit er það ólög­legt á þessum árs­tíma. Rætt við hlut­eig­andi og lof­uðu þeir að láta af sprengju­æð­inu.

Lög­reglu­stöð 3

Tilkynnt um þjófnað úr bif­reið. Ekki var að sjá að búið hefði verið að brjót­ast inn í bif­reið­ina en eig­andi hennar sakn­aði samt hinna ýmsu muna.

Tilkynnt um menn að ráð­ast að öðrum með hafna­bolta­kylfum. Lög­reglan fór á vett­vang og aðstoð­aði brota­þola. Gerendur voru hins vegar á bak og burt og er þeirra nú leitað. Þeir reynd­ust allir hylja and­lit sín með grímum.

Tilkynnt um slags­mál að bar í Kópavogi. Tveir menn reynd­ust þar hafa lent í áflogum við hvorn annan. Ekki talin þörf á að vista menn­ina fyrir lík­ams­árás en þurfti annar þeirra að leita aðstoðar á slysa­deild vegna máls­ins.

Tilkynnt um eld í bif­reið. Þegar lög­reglu bar að reynd­ist ein bif­reið alelda og að auki hafði eld­ur­inn náð að teygja sig yfir í fjórar aðrar bif­reiðar. Mikið eigna­tjón. Málið er í rann­sókn.