Ný færsla um áfengissölu í matvöruverslunum sem Brynjar Níelsson sendi frá sér hefur heldur betur kynt í landanum og virðist sem internetið ætli á hliðina. Gunnar Smári Egilsson lét færslu Brynjars ekki framhjá sér fara og gat ekki setið á sér og leiðrétti Brynjar:
„Þú ert að misskilja eitthvað. Þetta er ekki umræða sem fer fram á kaffistofum eða kjaftaklöppum, heldur hafa rannsóknir leitt æ betur í ljós að áfengi er ekki venjuleg neysluvara heldur mikill skaðvaldur. Í sjálfu sér er kannski öllum sama þótt þú steypist á hausinn drukkinn á rafskutlu, þótt ég finni vissulega til með þér, einum og vegvilltum á skutlu, búinn að deyfa heilastarfsemina sem ekki var öflug fyrir. En það er sá mikli, útbreiddi og alvarlegi skaði sem áfengið veldur sem leiðir til þess að allar stofnanir sem fjalla um málið mæla gegn auknu aðgengi. Og þegar ég segi allar stofnanir sem fjalla um málið, þá á ég við stofnanir með vit á heilsu og heilbrigði. Ekki Viðskiptaráð, Félag atvinnurekenda eða slíkar samkomur sem hafa auðvitað ekki vit á neinu, enda ætlast enginn til þess. Hér er afstaða Evrópudeildar Alþjóðaheilbrigðisstofnunarinnar, sem dregur saman það sem best er hugsað í dag um alkóhól. En þú tekur kannski ekki mark á yfirlýsingin sem skrifaðar eru af ódrukknu fólki. https://www.who.int/…/04-01-2023-no-level-of-alcohol…“
Þeir félagar standa sem næsta víst á öndverðu meiði er varðar málefnið. Brynjar sem er þekktur fyrir að vera ómyrkur í máli, svarar Gunnari Smára fullum hálsi:
„Gunnar Smári Egilsson Það er svo margt sem við neytum sem er ekki gott fyrir heilsuna. Ætli sykur sé ekki þegar uppi er staðið skaðlegri en áfengið. Ég vissi að gamlir óvirkir kæmu hér til að andmæla. Enda var óhófið í drykkjunni ekki þeim að kenna heldur áfenginu. Það hvarflar ekki að mér að kenna áfenginu um að ég skyldi fara slompaður á rafskútu. Það var mér að kenna og á mína ábyrgð. Svo hefur ekkert breyst hjá ykkur botnfreðnu sósíalistum að gjarnan er vísað í rannsóknir og vísindi fyrir allri vitleysunni og almenn og heilbrigð skynsemi þarf að víkja. Það er ekkert hægt að auka aðgengi meiri en nú er orðið. Það er allsstaðar hægt að nálgast áfengi. Þessi lýðheilsusjónarmið eru löngu horfin. Einu leifarnar að ríkiseinokun eru eftir í skandinavíu og ekki er drykkja þar minni en í öðrum löndum. Þetta er allt tómt píp og tilvísun í þessar vísindarannsóknir úreltar. Þessir sömu vísindamenn komust að því að trans væri geðsjúkdómur þangað til fyrir nokkrum arum. Gott ef samkynhneigð var ekki gesjúkdómur samkvæmt vísindarannsóknum. Viðurkenndu það bara, þú getur ekki fellt þig við að rík einokun verði aflögð“
Sjá nánar:
Athugasemdir