Kolsvört skýrsla Ríkisendurskoðunar um MAST: „Ætti að taka gagnrýni á störf sín af meiri auðmýkt“

Mat­væla­stofnun fær fall­ein­kunn í nýrri skýrslu Rík­is­end­ur­skoð­unar um eft­ir­lit stofn­un­ar­innar með vel­ferð búfjár.

Samkvæmt kol­svartri skýrslu Rík­is­end­ur­skoð­unar, sem Vísir segir frá, hefur Mat­væla­stofnun ekki tek­ist nógu vel að byggja upp það traust sem nauð­syn­legt er hverrri eft­ir­lits­stofnun. Auk þess hefur MAST sýnt lang­lund­ar­geð í stöku málum þar sem vel­ferð dýra er óvið­un­andi. Er þetta í sam­ræmi við þær fréttir sem Mannlíf hefur skrifað und­an­farin ár, þar sem dýra­vernd­ar­sinnar hafa kvartað ítrekað yfir seina­gangi og lélegum vinnu­brögðum MAST.

Sjá einnig: Segja MAST ekk­ert gera vegna illrar með­ferðar á kindum: „Þetta er bara aðför að okkur“

Í skýrsl­unni, sem má líta á sem áfell­is­dóm yfir MAST, segir að þó að mik­il­vægt sé að máls­með­ferð við beit­ingu íþyngj­andi úrræða sé vönduð, verði stofn­unin að leggja aukna áherslu á að stjórn­sýslu­leg fram­kvæmd verði ekki á kostnað vel­ferðar dýr­anna.

Þá er upp­lýs­inga­gjöf MAST gagn­rýnd í skýrsl­unni en þar segir að stofn­unin þurfi að huga betur að innri og ytri upp­lýs­inga­gjöf og bæta sam­skipti og sam­starf við hag­að­ila, sem og að þróa skipu­lag, verk­lag og fram­kvæmd eft­ir­lits betur og beita oftar áhættu- og frammi­stöðu­mati.

Of mikið langlundargeð

Í hinni svörtu skýrslu er sér­stak­lega minnst á lang­lund­ar­geð MASt en þar stendur meðal ann­ars:

„Ýmsa van­kanta má finna á fram­kvæmd eft­ir­lits MAST í ein­staka málum. Að mati Rík­is­end­ur­skoð­unar hefur MAST í ein­hverjum málum sýnt of mikið lang­lund­ar­geð og í öðrum til­vikum hafa aðgerðir ekki verið nægi­lega mark­vissar og eft­ir­fylgni ábóta­vant. Þá verður að draga þá ályktun að nálgun stofn­un­ar­innar gagn­vart stjórn­sýslu­legri með­ferð sé í ein­hverjum til­vikum svo var­færin að hún gangi í raun gegn mark­miðum laga um vel­ferð dýra.“

Þá segir einnig að til séu dæmi þar sem fjöldi frá­vika í búrekstri hefur verið skráður jafn­vel ára­tugum saman án þess að aðstæður hafi batnað.

„Markmið laga um vel­ferð dýra er að stuðla að vel­ferð dýra, þ.e. að þau séu m.a. laus við van­líðan, hungur og þorsta, ótta og þján­ingar. Enn fremur að dýr geti sýnt sitt eðli­lega atferli eins og frekast er unnt. Með til­liti til þessa verður að telj­ast óásætt­an­legt að langur tími líði þar sem dýr líða hungur, van­líðan og þján­ingar eða búi við óvið­un­andi aðstæður,“ segir Rík­is­end­ur­skoðun.

Skortur á auðmýkt

Telur Rík­is­end­ur­skoðun það van­traust sem ríki í garð MAST, vera alvar­legt en það ríki jafnt milli fag­fólks og almenn­ings. Er stofn­unin beðin um að sýna meiri auð­mýkt er hún fær gagn­rýni á störf sín.

„Stofn­unin þarf að róa að því öllum árum að byggja upp traust, en það er grund­völlur þess að hún geti leyst verk­efni sín far­sæl­lega af hendi. MAST ætti jafn­framt að taka gagn­rýni á störf sín af meiri auð­mýkt og fagna því að fylgst sé með mála­flokknum úr ýmsum áttum og hversu margir láta sig mál­efni dýra­vel­ferðar varða. Til að byggja upp traust í dýra­vel­ferð­ar­málum þarf stofn­unin að gæta þess að fram­kvæmd eft­ir­lits­ins sé vönduð og til þess fallin að bæta stöðu dýra. Þá er það, vegna eðlis og umfangs eft­ir­lits­ins, við­var­andi verk­efni MAST að vera á varð­bergi gagn­vart mögu­legum hags­muna­tengslum og hæfi starfs­manna.“