Andri Snær vill meira myrkur í borginni: „Þessir náttúrutollverðir eru að verða hvimleiðir“

Andri Snær Magnason seg­ist þreyttur á „nátt­úru­toll­verðum“.

Bæj­ar­stjóri Sel­tjarn­ar­ness, Þór Sig­ur­geirs­son, segir það koma til greina að rukka fyrir bíla­stæðin við Gróttu en svæðið er ansi vin­sælt, sér í lagi á heið­skírum vetr­ar­kvöldum en þá kemur fjöldi manns þangað til að skoða norð­ur­ljósin. Andri Snær Magnason rit­höf­undur er ekki á því að rukka þurfi fyrir bíla­stæði á svæð­inu en kemur með aðra hug­mynd. Stingur hann upp á að slökkt verði á lýs­ing­unni í kvos­inni, á Hafn­ar­svæð­inu og í kringum Hörpu, svo fólk geti notið norð­ur­ljósanna þar líka, laust við borg­ar­ljósin. Hér fyrir neðan má lesa færslu Andra Snæs sem hann skrif­aði á Facebook í dag.

„Eina ástæðan fyrir örtröð úti á Gróttu þegar viðrar til Norð­ur­ljósa­skoð­unar er sú að flestir borg­ar­hlutar eru oflýstir. Í ljósi þess að lang­flestir ferða­menn á þessum árs­tíma eru hingað komnir einmitt vegna Norð­ur­ljósanna væri hægur vandi að myrkva kvos­ina, Hafn­ar­svæðið eða svæði kringum Hörpu og Sæbraut einmitt þegar þannig stendur á veðri. Svo má prófa að slökkva á borg­inni þegar stór­við­burðir eru á himni og kannski stöku sinnum fyrir barna­fólk og aðra sem hafa ekki aðstöðu til að fara út fyrir bæinn til að sjá dýrð­ina. Já og ekki rukka inn í Gróttu – þessir nátt­úru­toll­verðir eru að verða hvim­leiðir.“