Birtir sláandi höfundauppgjör sitt fyrir síðasta ár: „Annars er bara ekki séns að lifa á þessu“

Hildur Knúts­dóttir birtir höf­unda­upp­gjör sitt fyrir síð­asta ár en óhætt er að segja að það er slá­andi.

Rit­höf­und­ur­inn Hildur Knúts­dóttir ákvað, í til­efni þess að bráðum verða lista­manna­launum úthlutað, að birta höf­unda­upp­gjör sitt fyrir síð­asta ár, á Facebook-síðu sinni. Fyrir árið fékk hún ekki nema rífa­lega eina og hálfa milljón. Hildur skrif­aði:

„Hæ,

Lista­manna­launum verður úthlutað næstu mán­aða­mót*. Ég er strax farin að sjá slæmt tal um þau, sem er vísir að fjaðrafok­inu sem alltaf verður í kringum úthlutun. Ég held að ég sé lík­lega sölu­hæsti ung­menna­bóka­höf­undur lands­ins, að minnsta kosti sum ár (læt einn Eymólista fylgja með) og ég er með bak­lista sem er enn að selj­ast. Og hérna er höf­unda­upp­gjörið mitt fyrir síð­asta ár. Ég fékk rétt rúma eina og hálfa milljón, í verk­taka­greiðslur.Þeir sem hafa svo áhuga geta líka dundað sér við að reikna út hvað við fáum fyrir hvert streymi hjá Storytel.“

Í seinni hluta færsl­unnar segir Hildur að ef börn eigi að hafa aðgang að vönd­uðum bókum á íslensku, verði hrein­lega að greiða fólk­inu sem skrifar þær lista­manna­laun.

„Ef við viljum að börn hafi aðgang að vönd­uðum bókum á íslensku þá verðum við sem skrifum þær að fá lista­manna­laun, því ann­ars er bara ekki séns að lifa á þessu.*ATH að ég veit ekki nákvæm­lega hvenær það verður úthlutað, það kom póstur um það 4. des í fyrra, svo ég gerði bara ráð fyrir því að það yrði á sama tíma núna þegar ég setti inn þessa færslu, sem ég get nátt­lega ekki gert. Þannig að kannski kemur þetta í des­em­ber eða kannski í jan­úar eða kannski bara á ein­hverjum öðrum tíma.

“