Glittir í aðgerðaráætlun varðandi heimilisleysi: „Borgin er í mikilli skuld í þessum málaflokki“

Stefán Pálsson segir Reykja­vík­ur­borg í mik­illi skuld við heim­il­is­lausa en nú glitti í betri tíð í þeim mála­flokki.

Sagn­fræð­ing­ur­inn og vara­borg­ar­full­trú­inn Stefán Pálsson segir að borg­ar­stjórn Reykja­víkur sé við það að sam­þykkja aðgerð­ar­á­ætlun í mál­efnum heim­il­is­lausra. Segir hann borg­ina vera í milli skuld við mála­flokk­inn en að gangi áætl­unin eftir verði staðan miklu betri í náinni fram­tíð.

„Í borg­ar­stjórn erum við nú að fara að sam­þykkja aðgerða­á­ætlun ásamt stefnu í mál­efnum heim­il­is­lausra. Þetta er góð vinna sem hefur verið unnin í góðri sátt. Borgin er í mik­illi skuld í þessum mála­flokki, þótt málum hafi verið þokað fram á við á síð­ustu árum. Ef þessi áætlun nær fram að ganga verður staðan mun betri í náinni fram­tíð. Því ber að fagna.“

Í seinni hluta færsl­unnar sem Stefán skrif­aði á Facebook talar hann um Konukot og hversu mik­il­vægt sé að koma þeirri starf­semi í nýtt hús­næði. Sjálfur er Stefán nágranni Konukots og segir þá íbúa sem hafi áhyggjur af því að starf­semi flytji í næsta nágrenni við þá, að ekk­ert sé að ótt­ast, sé haldið rétt á spil­unum.

„Eitt stærsta for­gangs­málið er að koma Konukoti í nýtt hús­næði, en það er afleitt að vera með þessa við­kvæmu starf­semi í meira en hund­rað ára gömlum steinbæ, þröngum og í slæmu ástandi. Það hefur reynst afar flókið að finna lausn á þessu, meðal ann­ars vegna þess að leigusalar hafa ekki viljað taka á móti Konukoti (auð­vitað ætti borgin að kaupa hús­næðið sjálf eða byggja). Sem nágranni Konukots í áraraðir vil ég þó segja að áhyggjur fólks eru óþarfar. Þetta er starf­semi sem þrífst vel í almennu íbúða­hverfi ef rétt er að málum staðið.“