Páll skipstjóri segir söguna á bak við byrlun, símaþjófnað og hjartastopp: „Ég er skæruliði“

Nýjasti gestur Mann­lífs­ins er maður sem gengið hefur í gegnum mik­inn ólgu­sjó. Það er skip­stjór­inn Páll Stein­gríms­son sem segir sögu af byrlun, síma­þjófn­aði og átökum.

Páll hefur verið mikið í fjöl­miðlum síð­ustu árin en hann er skip­stjóri hjá Samherja og komst í frétt­irnar þegar hann var sak­aður um að vera „skæru­liði“ Samherja. Þá steig hann fram og sagði frá eit­ur­byrlun sem hann varð fyrir en í kjöl­farið var síma hans stolið og komið í hendur fjöl­miðla, að sögn Páls.

Í upp­hafi við­tals­ins spyr Reynir beint út, hvort Páll sé skæru­liði.

„Já, veistu ég ætla bara að við­ur­kenna það, ég er skæru­liði,“ svar­aði Páll og sagði að vinnu­brögð skæru­liða­deild­ar­innar hafi beinst að stjórn­endum Samherja. „Vegna þess að okkur þótti þeir bara ótta­legir aum­ingjar við að verja fyr­ir­tækið,“ sagði skip­stjór­inn og átti þá ekki ein­ungis við umræð­una um Namib­íu­málið, heldur í raun allt. „Það var í raun­inni bara allt, Reynir. Mér fannst þeir bara standa sig illa í að koma á fram­færi upp­lýs­ingum.“

Í við­tal­inu talar Páll hreint út um veik­indi sín og síma­þjófn­að­inn en þátt­inn má sjá í heild sinni á tv.mann­lif.is.