Sjálfstæðisflokkurinn í Reykjavík var í dauðafæri með að ná sterkri stöðu í Reykjavík eftir kosningar. En þegar kom að uppstillingu á lista flokksins þar sem Hildi Björnsdóttur var falið að halda áfram sem forystumaður fór allt í bál og brand.
Í stað þess að nota prófkjör til að raða á lista hafði verið ákveðið að beita handafli og henda út öllum núverandi borgarfulltrúum nema Ragnheiði Öldu Vilhjálmsdóttur sem var lítillækkuð úr öðru sæti í það fjórða. Þar með varð allt vitlaust og borgarfulltrúarnir Kjartan Magnússon og Marta Guðjónsdóttir gengu úr Sjálfstæðisflokknum og til liðs við Miðflokkinn. Athygli vakti að Hildur leiðtogi treysti sér ekki í viðtöl við fjölmiðla við þau tímamót en sendi frá sér skriflegar yfirlýsingar.
Nú þykir fyrirséð að Hildur tapi öðru sinni stórt. Sem arftaki Eyþórs Arnalds missti hún flokkinn niður úr rúmum 30 prósentum í 24 prósenta fylgi. Nú er allt eins talið að nýja markmiðið verði að halda flokknum ofan við 20 prósenta fylgi ...
Athugasemdir