Meðal verkefna lögreglu í dag voru nokkur mál tengd fíkniefnum og akstri undir áhrifum áfengis eða fíkniefna. Einn einstaklingur var handtekinn í Reykjavík vegna vörslu fíkniefna en var síðar látinn laus að lokinni skýrslutöku. Þá voru fjórir ökumenn stöðvaðir vegna gruns um akstur undir áhrifum áfengis eða fíkniefna á höfuðborgarsvæðinu. Allir voru látnir lausir að lokinni blóðsýnatöku.
Lögregla hafði einnig afskipti af hraðakstri þegar ökumaður var mældur á 111 km hraða þar sem hámarkshraði er 80 km/klst í Hafnarfirði. Málið var afgreitt á vettvangi með sekt. Þá var ökumaður í miðborginni stöðvaður vegna ólöglegra filmu í rúðum bifreiðar sinnar og ökutækið boðað í skoðun.
Nokkur umferðarslys voru tilkynnt á tímabilinu. Í Reykjavík var bifreið ekið á vegrið og í Árbæ varð aftanákeyrsla. Þá varð bílvelta í Mosfellsbæ. Engin meiðsli urðu á fólki í neinum slysanna og voru málin afgreidd á vettvangi.
Ferðamaður kom á lögreglustöðina við Hverfisgötu og tilkynnti um þjófnað á vegabréfi sínu. Að sögn viðkomandi átti vasaþjófnaðurinn sér stað við Skógafoss.
Einnig bárust tilkynningar um skemmdarverk og innbrot. Í Grafarvogi var rúða brotin í bifreið og er gerandi óþekktur. Þá er rannsókn hafin á innbroti og þjófnaði í Árbæ, auk nytjastuldar sem tengist málinu.
Athugasemdir