Írska stórleikkonan Brenda Fricker er látin

Ósk­arsverð­launa­leik­konan Brenda Fricker er látin, 81 árs að aldri. Umboðs­maður hennar stað­festi and­látið í dag. Fricker var þekkt­ust fyrir hlut­verk sín í My Left Foot, sem færði henni Ósk­arsverð­laun, og Home Alone 2: Lost in New York.

Umboðs­maður hennar, Phil Belfield, sagði í yfir­lýs­ingu: „Við munum aldrei sjá aðra eins og hana og heim­ur­inn er fátæk­ari eftir frá­fall hennar. Það voru for­rétt­indi að fá að þekkja hana, elska hana og starfa með henni. Hún mun ávallt eiga sér­stakan stað í hjarta mínu og hjörtum ótal kvik­mynda- og sjón­varps­að­dá­enda um allan heim.“

Fricker lék hjúkr­un­ar­fræð­ing­inn Megan Roach í bresku sjón­varps­þátt­unum Casualty til árs­ins 1990 og kom einnig fram í kvik­myndum á borð við So I Married an Axe Murderer, Angels in the Outfield, A Time to Kill, Veronica Guerin og síð­ari heims­styrj­ald­ar­mynd­inni Closing the Ring, sem Sir Richard Attenborough leik­stýrði.

Árið 1990 varð Fricker fyrsta írska leik­konan til að hljóta Ósk­arsverð­laun þegar hún var valin besta leik­kona í auka­hlut­verki fyrir túlkun sína á Bridget Brown, móður Christys Brown, sem Daniel Day-Lewis lék í kvik­mynd­inni My Left Foot frá 1989. Day-Lewis hlaut jafn­framt Óskarinn fyrir besta karl­hlut­verk.

Í þakk­ar­ræðu sinni þakk­aði Fricker Christy Brown „fyrir að vera á lífi“ og til­eink­aði verð­launin jafn­framt raun­veru­legri móður hans.

Margir muna einnig eftir henni sem „Dúfu­kon­unni“ í Home Alone 2: Lost in New York frá 1992. Þar lék hún heim­il­is­lausa konu í Central Park sem Kevin McCallister, leik­inn af Macaulay Culkin, ótt­ast í fyrstu en verður síðar góð­vinur hennar. Hún bjargar honum að lokum og varð ein eft­ir­minni­leg­asta per­sóna mynd­ar­innar.

Í við­tali við The Times árið 2024 sagð­ist Fricker finna fyrir því að eldri leikkonur fengju sífellt færri tæki­færi.

„Það er ein­fald­lega ekki skrifað fyrir eldri konur. Shakespe­are skrif­aði fyrir eldri konur, en það gera ungir hand­rits­höf­undar ekki lengur,“ sagði hún og bætti við að konur yrðu að hennar mati nán­ast „ósýni­legar“ eftir sjö­tugt.

Brenda Fricker fædd­ist í Dublin. Hún ætl­aði upp­haf­lega að feta í fót­spor föður síns og verða blaða­maður en hóf leik­feril sinn fyrir til­viljun eftir lítið hlut­verk í kvik­mynd árið 1964.

Hún kom einnig fram í fyrstu sápu­óp­eru Írlands, Tolka Row, og síðar í Coronation Street áður en hún sló í gegn í Casualty. Hún sneri aftur í þá þætti tveimur ára­tugum síðar í áhrifa­miklu kveðju­hlut­verki þar sem per­sóna hennar, Megan Roach, glímdi við krabba­mein.

Fricker var gift Barry Davis í 15 ár en þau skildu árið 1988. Hún hafði mik­inn áhuga á ljóðum, Guinness-bjór og snóker og sagði eitt sinn í gamni að hún hefði keppt við alla 17 með­limi tökuliðs My Left Foot í billj­ard og haft betur gegn þeim öllum.