Banaslys við köfun á Tenerife

Kafari lést um helg­ina eftir að hafa lent í basli í sjónum út af Radazul, sem til­heyrir sveit­ar­fé­lag­inu El Rosario á Tenerife.

Neyð­ar­línan á Kanarí­eyjum (CECOES 112) fékk til­kynn­ingu um málið um klukkan 10:30, laug­ar­dag­inn 12. sept­em­ber. Tilkynnt var um að kaf­ari væri í miklum erf­ið­leikum nærri strönd­inni.

Manninum var komið um borð í bát og hann fluttur til hafnar í Radazul. Þegar sjúkra­flutn­inga­menn komu á stað­inn var mað­ur­inn í hjarta­stoppi. Læknar hófu end­ur­lífg­un­ar­til­raunir en þær báru engan árangur. Maðurinn var úrskurð­aður lát­inn á staðnum.

Mikill viðbúnaður við höfnina

Slysið kall­aði á mik­inn við­búnað við­bragðs­að­ila. Auk sjúkra­starfs­manna mættu björg­un­ar­sveitir af sjó, strand­verðir, lög­reglan á staðnum og spænska lög­reglu­varð­liðið (Guardia Civil), sem fer nú með rann­sókn máls­ins.

Ekki liggur fyrir á þess­ari stundu hvað olli því að kaf­ar­inn lenti í erf­ið­leikum, hvort sem um var að ræða bráð­veik­indi, tækja­bilun eða aðrar aðstæður í sjónum. Opin­berar neyð­ar­stofn­anir hafa enn ekki gefið út aldur eða þjóð­erni manns­ins, en stað­bundnir miðlar á svæð­inu segja hann hafa verið 45 ára gamlan karl­mann frá borg­inni Gijón í Astúríu á Spáni.

Radazul er mjög vin­sæll staður til köf­unar og ann­arra vatna­í­þrótta, enda er ströndin skjól­sæl og skyggni í sjónum jafnan gott. Á svæð­inu er meðal ann­ars skips­flak sem laðar að sér fjölda kaf­ara allt árið um kring.