Tölvunarfræðingurinn Edit tók sæti á Alþingi

Edit Ómars­dóttir, vara­þing­maður Við­reisnar, hefur tekið sæti á Alþingi í fyrsta sinn. Hún tekur sæti Maríu Rutar Krist­ins­dóttur, þing­manns Við­reisnar, sem verður fjar­ver­andi frá þing­störfum á næst­unni.

Edit er tölv­un­ar­fræð­ingur að mennt og hefur um ára­bil starfað í íslenska tækni­geir­anum. Hún starfar nú hjá Símanum þar sem hún gegnir stöðu for­stöðu­manns sölu og þjón­ustu. Áður hefur hún meðal ann­ars starfað hjá tækni­fyr­ir­tækj­unum Advania og Origo.

Þótt starfs­fer­ill Editar hafi að stórum hluta verið tengdur tækni og við­skiptum hefur hún einnig mik­inn áhuga á hönnun og tísku. Í við­tali við Morg­un­blaðið fyrir nokkrum árum ræddi hún meðal ann­ars um brenn­andi áhuga sinn á hönnun, tísku og því sem þeim heimi teng­ist.

Þar lýsti Edit einnig því hvernig hennar eigin fata­stíll hefði tekið breyt­ingum í gegnum tíð­ina. Hún sagð­ist á einum tíma hafa verið hip­ster en síðar orðið meiri lopa­peysu týpa þegar kæmi að klæða­burði.