John Goodman segir líkamann „illa farinn“ eftir 90 kílóa þyngdartap

Leik­ar­inn góð­kunni John Goodman við­ur­kennir að lík­ami hans sé „illa far­inn“ eftir að hann létt­ist um tæp 90 kíló. Hann seg­ist enn vera að venj­ast nýju útliti sínu eftir mikla umbreyt­ingu.

Leik­ar­inn, sem er 74 ára, hafn­aði meðal ann­ars nekt­ar­senu í gam­an­þátt­unum The Righteous Gemsto­nes á HBO þar sem hann var óör­uggur með hvernig lík­ami hans myndi líta út á skjánum eftir þyngd­ar­tapið. Þætt­irnir voru sýndir í fjögur tíma­bil á árunum 2019 til 2025.

„Ég hélt að ég þyrfti að vera nak­inn í sen­unni og sagði: „Ég veit það ekki. Líkaminn á mér er svo illa far­inn eftir allt þetta þyngd­ar­tap“,“ sagði Goodman í hlað­varp­inu Happy Sad Confused þann 2. nóv­em­ber. Hann bætti við að honum og tökulið­inu hefði að lokum tek­ist að finna lausn og klára verk­efnið.

Goodman seg­ist enn vera að venj­ast nýju útliti sínu.

„Ég er enn að reyna að venj­ast and­lit­inu á mér. Þetta er skrýtið. Ég sé sjálfan mig fyrir mér á ákveð­inn hátt og þegar ég lít í speg­il­inn hugsa ég: „Vá!““

Hann segir það und­ar­lega en jafn­framt skemmti­legt að venj­ast breyt­ing­unum og að margt í dag­legu lífi sé honum enn fram­andi.

Telur hafa skemmt fyrir sjálfum sér

Þegar Goodman lítur til baka á lífs­stíl sinn fyrir þyngd­ar­tapið veltir hann fyrir sér hvort hann hafi jafn­vel skemmt fyrir eigin leik­ferli með hegðun sinni.

„Ég var að vinna nóg eins og ég var. Ég var ekk­ert sér­stak­lega ánægður með það, en ég velti því fyrir mér hvort ég hafi kannski skemmt fyrir sjálfum mér,“ sagði hann.

Leik­ar­inn hefur verið opin­skár um ára­langa bar­áttu sína við þyngd­ina. Hann hefur meðal ann­ars sagt að eftir að hann hætti að drekka áfengi árið 2007 hafi hann farið að borða á svip­aðan hátt og hann hafði áður drukkið, sem leiddi til þess að hann þyngd­ist veru­lega. Mest hafi hann vegið tæp­lega 180 kíló.

„Ég létt­ist um 27 kíló á einu sumri en bætti þeim öllum aftur á mig. Svo létt­ist ég um 32 kíló, 36 kíló,“ rifj­aði Goodman upp í við­tali við The New Yorker sem birt­ist 18. októ­ber. Hann sagði slíkar sveiflur að lokum hafa orðið þreyt­andi.

Eftir að hafa geng­ist undir maga­að­gerð tókst honum að létt­ast um helm­ing af lík­ams­þyngd sinni. En þyngd­ar­tapið hefur einnig haft var­an­legar auka­verk­anir.

„Ég varð líka blóð­laus og missti fitu­lag undir húð­inni. Nú er mér alltaf kalt,“ sagði hann.

Vill byggja upp styrk og jafnvægi

Goodman ein­beitir sér nú að því að byggja upp styrk og hlúa betur að lík­am­anum.

„Í grunn­inn snýst þetta um að styrkja kvið- og bol­vöðva, bæta jafn­vægið og stunda styrkt­ar­þjálfun, svo ég detti ekki,“ sagði hann.

Hann upp­lýsti þó að hann hefði nýlega dottið skömmu eftir að hann sneri aftur til Lundúna úr jóla­fríi. Hann féll á hlið­ina og mjaðm­ar­brotn­aði.

Leik­ar­inn, sem er giftur Önnu Beth Goodman, segir því mik­il­vægt að halda áfram að byggja upp styrk og aðlag­ast þeim breyt­ingum sem fylgja miklu þyngd­ar­tapi.